Gautam Singhania: मला आणि माझ्या मुलीला लाथाबुक्यांनी मारहाण केली; पती गौतम सिंघानियांवर नवाज मोदींचा गंभीर आरोप

Nawaz Modi Singhania :

रेमंड ग्रुप एमडी आणि उद्योगपती गौतम सिंघानिया आणि नवाज सिंघानिया यांच्या घटस्फोटाची चर्चा देशभरात होत आहे. या दोघांनी १३ नोव्हेंबरला एकमेकांपासून विभक्त होण्याचा निर्णय घेतला. विभक्त झाल्यानंतर पत्नी नवाज मोदी-सिंघानिया यांनी गौतम सिंघानिया यांच्यावर मारहाण केल्याचा आरोप केलाय. (Latest News)

गौतम सिंघानिया यांच्या ११ हजार कोटी रुपयांच्या संपत्तीमधून आपल्या दोन्ही मुलींना हिस्सा द्यावा, अशी मागणी नवाज यांनी केलीय. दोन्ही मुली निहारिका आणि निसा यांना एकूण संपत्तीमधून ७५ टक्क्यांचा हिस्सा द्यावा, अशी मागणी केलीय. त्याचबरोबर नवाज मोदी सिंघानिया यांनी पती गौतम सिंघानिया यांच्यावर मारहाणीचा आरोप केलाय.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

इंडिया टुडे या वृत्तसंस्थेला दिलेल्या मुलाखतीत नवाज यांनी आपल्या लग्नाविषयी अनेक खुलासे केले. यावेळी त्यांनी एका घटनेचा उल्लेख केला. यात गौतम सिंघानिया यांनी त्यांना लाथाबुक्यांनी मारहाण केली होती,असा खुलासा नवाज यांनी मुलाखतीत केला. ९ सप्टेंबर रोजी सकाळी ५ वाजता गौतम यांनी मुलगी निहारिका आणि मला मारहाण केली, लाथाबुक्यांनी मारहाण केली. तब्बल पंधरा मिनिटे त्यांनी आम्हाला मारहाण केली, त्यानंतर ते तेथून निघून गेले. मला वाटलं की ते बंदूक घेण्यास गेले होते.

त्यावेळी मी माझी मुलगी निहारिका हिला वाचवण्यासाठी दुसऱ्या खोलीत नेले, असं नवाज यांनी सांगितलं. नवाज सिंघानियाने यांची दोनवेळा हार्नियाची शस्त्रक्रिया झालीय. एकदा बाळंतपणावेळी तर दुसरी एक्टोपिक बाळंतपणावेळीही ही शस्त्रक्रिया झालीय. ही गोष्ट गौतम सिंघानिया यांना माहिती होती, तरीही त्यांनी मला घरात पळवलं.

गौतम सिंघानिया हे आपली ताकद आणि दबावात ठेवण्याचा प्रयत्न करत होते. बाथरूम वापरण्यासाठी गौतम सिंघानिया त्यांना मारहाण केली. गौतम सिंघानिया यांना बाथरूम वापरायचा होता, परंतु नवाज ह्या आधीपासूनच आत मध्ये होत्या. बेडरूमला जोडून दोन बाथरूम आहेत. तर ३९ मजली इमारतीमध्ये अनेक खोलीमध्ये बाथरूम आहेत. परंतु त्यांना ताकद दाखवायची होती, त्यामुळे त्यांनी मला मारहाण केली असं नवाज यांनी मुलाखतीत सांगितलं.