
रेमंड ग्रुपचे चेअरमन गौतम सिंघानिया यांचा घटस्फोट झाला आहे. याबाबत सोशल मीडिया अकाउंटवर पोस्ट शेअर करत माहिती दिली आहे. 32 वर्षांच्या वैवाहिक संसारानंतर गौतम सिंघानिया आणि त्यांची बायको नवाज मोदी यांचा घटस्फोट झाला आहे.
गौतम सिंघानिया यांनी सोशल मीडिया पोस्टद्वारे त्यांच्या घटस्फोटाची माहिती दिली आहे. पोस्ट शेअर करत 'यंदाची दिवाळी मागील काही वर्षांसारखी नव्हती. आम्ही 32 वर्षे पती-पत्नी म्हणून एकत्र राहिलो, एकत्र आई-वडील झालो आणि नेहमीच एकमेकांची ताकद बनून राहिलो. आम्ही वचनबद्धतेने आणि विश्वासाने आमच्या जीवनात पुढे गेलो आणि याच काळात आमच्या आयुष्यात आमच्या दोन सुंदर मुलींचा जन्म झाला.
पण अलिकडच्या वर्षांत अशा अनेक दुर्दैवी घटना घडल्या आहेत. आता नवाज आणि मी ठरवले आहे की, आपण आपल्या आयुष्यात वेगवेगळे मार्ग अवलंबू. आम्ही विभक्त होऊ शकतो, परंतु निहारिका आणि निसा या आमच्या मुलींसाठी जे चांगले असेल ते आम्ही करू.
आशा आहे, तुम्ही या वैयक्तिक निर्णयाचा आदर कराल. या कठीण काळात आम्हाला तुमच्या प्रार्थनांची गरज आहे.” असं कॅप्शन दिले आहे.
नवाज मोदी यांचा व्हायरल व्हिडिओ
गौतम सिघांनिया यांच्या घटस्फोटाच्या घोषणेनंतर नवाज मोदी यांचा एक व्हिडिओ सध्या व्हायरल होत आहे. गौतम सिघांनिया यांनी आयोजित केलेल्या दिवाळी सेलिब्रेशन बाहेरचा आहे. ठाण्यात या पार्टीचे आयोजन करण्यात आले होते.
या व्हिडिओत नवाज सिंघानिया कुटुंबियांवर आरोप करताना दिसत आहे. गौतम सिंघानिया यांच्या पार्टीत त्यांना बोलावले होते. परंतु त्यांना आता पार्टीत जाऊनच दिले आहे. त्यांना 3 तास गेटबाहेर थांबायला लावले. त्यानंतर त्यांना प्रवेश नाकारण्यात आला. या व्हिडिओनंतर गौतम सिंघानिया आणि नवाज मोदी चर्चेत आले आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.