![Swati Maliwal Assault Case: महिला आयोगाच्या समन्सनंतर स्वाती मालीवाल मारहाण प्रकरणाच्या तपासाला वेग](http://media.assettype.com/saamtv%2F2024-05%2F35468d1d-7431-4591-8c89-b7b947b33699%2FCopy_of_eknath_shinde___2024_05_16T171245_936.jpg?w=480&auto=format%2Ccompress&fit=max)
नवी दिल्ली : आपच्या राज्यसभा खासदार आणि दिल्ली महिला आयोगाच्या माजी प्रमुख स्वाती मालीवाल यांच्या मारहाण प्रकरणाने जोर पकडलाय. राष्ट्रीय महिला आयोगाने दिल्लीचे मुख्यमंत्री अरविंद केजरीवाल यांचे माजी पीएस विभव कुमार यांना समन्स बजावले आहे. आयोगाच्या चौकशीसाठी उद्या म्हणजेच शुक्रवारी हजर राहावे, असं महिला आयोगानं म्हटलंय. याचदरम्यान दिल्ली पोलिसांच्या स्पेशल सेलचे अतिरिक्त सीपी मालीवाल यांच्या घरी पोहोचलेत.
मालीवाल यांच्या मारहाण प्रकरणी राष्ट्रीय महिला आयोगाने अरविंद केजरीवाल यांच्या कार्यालयाला नोटीस पाठवलीय. या नोटीसनुसार, त्यांनी सोशल मीडिया पोस्टची स्वतःहून दखल घेतलीय. केजरीवाल यांचे स्वीय सचिव विभव कुमार यांनी मुख्यमंत्र्यांच्या निवासस्थानी स्वाती मालीवाल यांना मारहाण केल्याचं म्हटलंय.
आयोगाने १७ मे २०२४ रोजी सकाळी ११ वाजता सुनावणी घेण्यात येणार असल्याचं म्हटलंय. या सुनावणीसाठी बिभव कुमार यांना हजर राहावे लागणार आहे. जर आयोगासमोर हजर न झाल्यास बिभव कुमार यांच्यावर पुढील कारवाई केली जाईल, असं न्यायालयाने म्हटलंय.
दरम्यान मालीवाल यांना मारहाण झाल्याची घटना समोर आल्यानंतर डीसीडब्ल्यूचे प्रमुखांनी सार्वजनिक अशी प्रतिक्रिया दिली नाहीये. मंगळवारी पोलीस कर्मचारी मिंटो रोडवर स्थित असलेल्या निवासस्थानी गेले होते. दरम्यान मालीवाल यांनी अद्याप तक्रार दाखल करण्यासाठी त्यांच्याशी संपर्क साधलेला नसल्याची माहिती दिल्ली पोलिसांनी दिलीय. मात्र काही दिवसांच्या प्रतीक्षेनंतर स्पेशल सेलचे अतिरिक्त सीपी स्वाती मालीवाल यांच्या पथकासह त्यांच्या घरी पोहोचले आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.