Loksabha : शिवरायांविषयी बाेलताना एनसीपी खासदाराचा माईक केला बंद; 'शिवभक्तांचा आवाज कानठळ्या बसवतील'

Amol Kolhe : छत्रपती शिवाजी महाराज यांचा महाराष्ट्रात काही नेत्यांकडून वारंवार वेगवेगळी वक्तव्य करुन अवमान केला जात आहे. त्याचे पडसाद राज्यासह देशात उमटत आहेत. बुधवारी महाराष्ट्रातील खासदारांनी संसदेत त्यांच्या भावना मांडल्या. आज खासदार अमाेल काेल्हे (amol kolhe) यांनी संसदेत शू्न्य प्रहारात त्यांची भावना मांडत असताना माईक बंद करण्यात आला. या प्रकाराचा निषेध समाज माध्यमातून व्यक्त केला जात आहे. खासदार काेल्हे यांनी देखील त्यांची भुमिका समाज माध्यमातून मांडली.

खासदार डॉ अमोल कोल्हे म्हणाले राज्यात छत्रपती शिवाजी महाराज आणि इतर महापुरुषांबाबत बेताल वक्तव्य करुन अवमान केला जातोय. त्यामुळे याबाबत ठोस उपाययोजना करण्यासाठी संसदेत कायदा करुन महापुरुषांना संरक्षण देण्यात यावे अशी मागणी करण्यासाठी शून्य प्रहरात भावना व्यक्त करीत हाेता. परंतु काही काळानंतर माईक बंद करण्यात आला.

खासदार अमोल कोल्हे म्हणाले संसदेतला माईक बंद केला तरी छत्रपती शिवाजी महाराजांविषयीची भावना दाबता येणार नाही. ताे तमाम शिवभक्तांचा आवाज कानठाळ्या बसविल्याशिवाय रहाणार नाही.

Edited By : Siddharth Latkar