Shocking : १५ दिवसांच्या मुलाला फ्रिजरमध्ये ठेवून आई झोपी गेली; महिलेच्या कृत्याने खळबळ

उत्तर प्रदेशच्या मुरादाबादमध्ये एक धक्कादायक घटना समोर आली आहे. महिलेने तिच्या १५ दिवसांच्या नवजात बाळाला फ्रिजरमध्ये ठेवल्याचा धक्कादायक प्रकार उघडकीस आला आहे. बाळ फ्रिजरमध्ये रडू लागल्याने नातेवाईकांना ही बाब समजली. मुरादाबाच्या करुलामध्ये ही घटना घडली आहे. महिलेला मानसिक आजार असल्याने बाळासोबत धक्कादायक कृत्य केल्याचं समोर आलं आहे.

महिला करुला येथील राहणारी आहे. महिलेने १५ दिवसांपूर्वी एका मुलाला जन्म दिला. महिला पोस्टपार्टम सायकोसिस नावाच्या आजाराने ग्रस्त आहे. महिलेने बाळाला जन्म दिल्यानंतर मानसिक आजाराने ग्रस्त झाली. महिलेने शुक्रवारी १५ दिवसांच्या बाळाला फ्रिजरमध्ये ठेवलं. त्यानंतर झोपी गेली.

फ्रिजरमध्ये ठेवल्याने बाळ मोठमोठ्याने रडू लागली. बाळाचा रडल्याचा आवाज आल्याने घरातील इतर सदस्य खडबडून जागे झाले. फ्रिजर उघडल्यानंतर कुटुंबातील सदस्य हादरून गेले. त्यांनी तातडीने बाळाला फ्रिजरमधून बाहेर काढलं.

महिलेला मांत्रिकाकडे घेऊन गेलं तरी त्यावर काही परिणाम झालेला नाही. त्यामुळे कुटुंबीयांनी महिलेला डॉक्टरांकडे घेऊन गेले. मानसोपचारतज्ज्ञाने कुटुंबाला सांगितलं की, महिलेला पोस्टपार्टम सायकोसिस नावाचा आजार झाला आहे. महिला सध्या नैराश्यात गेली आहे. महिलेच्या कृत्याची सर्वत्र चर्चा होत आहे.

मानसोपचारतज्ज्ञाने पुढे सांगितलं की, 'महिलेला करत असलेल्या कृत्याची कोणतीही जाणीव होत नाहीये. ती स्वत:च्या मुलाला देखील नुकसान पोहोचू शकते. या मानसिक आजारात रुग्ण कमी झोपतो. महिलेवर उपचार सुरु आहेत'.