Nagaland News : पावसाळ्यात घाटात किंवा डोंगराळ भागात गाडी चालवतांना अत्यंत काळजी घेणे गरजेचे आहे. डोंगराळ भागात दरड कोसळण्याचा धोका सर्वाधिक असतो. नागालँडमध्ये अशीच एक दरड कोसळण्याची घटना समोर आली आहे. मिळालेल्या माहिती या दुर्घटनेत दोघांचा मृत्यू झाला आहे, तर 3 जण जखमी आहेत. या घटनेचा व्हिडीओ देखील समोर आला आहे.
राष्ट्रीय महामार्ग 29 वरील दिमापूर-कोहिमा चौपदरी रस्त्यावर चुमौकेडिमा येथे दरड कोसळली आहे. कारच्या मागे असलेल्या कारच्या डॅश कॅमेऱ्यात ही घटना कैद झाली आहे. व्हिडीओतील दृष्यांनुसार एक भलमोठा दगड डोंगळावरुन खाली येतो. या दगडाच्या मार्गात असलेल्या दोन वाहनांचा अक्षरश: चक्काचूर झाला आहे. दोन गाड्यांमधील दोघांचा यात मृत्यू झाला आहे. तर 3 जण जखमी आहेत.
जखमींना वैद्यकीय उपचारासाठी दिमापूर येथील ख्रिश्चन इन्स्टिट्यूट ऑफ हेल्थ सायन्सेस अँड रिसर्च रुग्णालयात नेण्यात आले आहे. चुमौकेडिमा परिसरातील जुन्या पोलीस चौकी गेटजवळ सायंकाळी 5 वाजेच्या दरम्यान ही घटना घडली. (Latest News Update)
भूस्खलनात चार वाहनांचे नुकसान झाले. यामुळे मार्गावरील वाहतूकही काही काळ ठप्प झाली होती. हळूहळू रस्ता वाहतुकीसाठी मोकळा करण्याचे काम सुरू असल्याचे पोलिसांनी सांगितले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.