Maha Kumbh 2025 : हवाई सुंदरी होणार साध्वी? महाकुंभमेळ्यात घेणार दीक्षा, लाखो पगाराच्या नोकरीचा करणार त्याग

Maha Kumbh Mela 2025 : १४४ वर्षांनंतर येणारा महाकुंभमेळा हा सर्वार्थानं विलक्षण ठरतोय. या महाकुंभमेळ्यात मॉडेल हर्ष रिछारिया, बॉलिवूड अभिनेत्री ममता कुलकर्णी, आयटीबाबांची जोरदार चर्चा रंगली. आता यात आणखी एक भर पडलीय. ती म्हणजे हवाई सुंदरीची. ममता कुलकर्णीनंतर आता डीजा शर्मा ही हवाई सुंदरीही साध्वी होण्यासाठी दीक्षा घेणार आहे. डीजा शर्मा एम कॉम झाली असून हवाई सुंदरी म्हणून तिला लाखोंचा पगार आहे. मात्र या सर्वांचा त्याग करून तिंनं थेट दिक्षा घेऊन साध्वी होण्याचा निर्णय घेतलाय. तिनं आपल्या इंस्टाग्राम पोस्टमध्ये काय लिहिलंय. पाहुया.

हवाई सुंदरी होणार साध्वीची पोस्ट

मी लवकरच दीक्षा घेऊन संन्यास घेणार आहे. माझ्या आईच्या निधनानंतर माझ्या आयुष्यात काहीही उरलेलं नाही. आपण जितकं धार्मिक राहू आणि परमेश्वरावर श्रद्धा ठेवू तितकी मानसिक शांती मिळेल. तुम्ही तुमचं दु:खं लोकांसमोर मांडाल तर ते कमी न होता वाढत जाईल. त्यामुळे देवाचं नाव घेत राहा.

हवाई सुंदरी डिझा शर्मानं संन्यास घेण्याचा निर्णय इंस्टाग्रामवर जाहीर केल्यांनंतर अनेकांनी प्रसिद्धीच्या हव्यासापोटी अशा घोषणा केल्या जात असल्याचा आरोप करत टिका केलीये. हवाई सुंदरी डिझा शर्मा साध्वी बनेल किंवा नाही हे येणाऱ्या काळात कळेलच परंतू नेम-फेम-गडगंज श्रीमंती असली तरी मन:शांतीसाठी अध्यात्माच्या मार्गाला जात असल्याचं चित्र या महाकुंभमेळ्यात दिसून येतय.