मध्य प्रदेशमधून एक भयंकर घटना समोर आली आहे. ४ आदिवासी तरुणांना पोलिसांनी चोरीच्या आरोपाखाली बेदम मारहाण केली. नौगाव पोलिस ठाण्यात या चारही तरुणांना पोलिसांनी उलटं लटकवून बेदम मारहाण केली. पोलिसांनी गुन्हा कबूल केला नाही त्यामुळे मारहाणीवर न थांबता पोलिसांनी या तरुणांच्या गुप्तांगात मिरची पावडर टाकली.
हे तरुण पोलिसांच्या तावडीतून सुटून बाहेर आल्यानंतर त्यांनी पोलिसांनी त्यांच्यासोबत केलेले भयंकर कृत्य सांगितले. या तरुणांनीएसपी ऑफिसबाहेर १० तास धरणे आंदोलन सुरू केले आणि पोलिसांना निलंबित करण्याची मागणी केली. त्यानंतर याप्रकरणी चौकशीचे आदेश देत ३ पोलिसांचे निलंबन करण्यात आले.
शनिवारी रात्री उशिरा छतरपूरच्या एसपी कार्यालयाबाहेर लोकांनी न्यायासाठी याचना केली. पीडितांच्या म्हणण्यानुसार, पोलिसांनी त्यांच्यावर चोरीच्या खोट्या गुन्ह्यात अडकवण्यासाठी दबाव आणला, परंतु जेव्हा या तरुणांनी गुन्हा कबूल केला नाही तेव्हा त्यांना बेदम मारहाण करण्यात आली. पीडित तरुणांनी पोलिसांनी मारहाण केल्याचा आरोप केला. पोलिसांनी त्यांना पट्ट्यांने आणि काठ्यांनी बेदम मारहाण केली. त्यांचे हात, पाय आणि पाठीवर मारहाण केल्याचे व्रण आहेत. पोलिसांनी त्यांच्या गुप्तांगात मिरची पावडर टाकली जेणेकरून आम्ही गुन्हा कबूल करू असा आरोप पीडित तरुणांनी केला आहे.
पोलिसांच्या वागणुकीला बळी पडलेल्या पीडितेच्या कुटुंबाने भीम आर्मीसोबत एसपी कार्यालयाबाहेर त्यांच्या कुटुंबातील महिला आणि मुलांसह बसून निषेध केला. दुसरीकडे, पोलिसांवर गंभीर आरोप झाल्यानंतर विभागाचे वरिष्ठ अधिकाऱ्यांनी माध्यमांसमोर प्रतिक्रिया देण्यास टाळाटाळ केली. नौगावचे एसडीओपी अमित मेश्राम यांनी सांगितले आहे की चौकशीनंतर कारवाई केली जाईल.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.