Loksabha Election Exit Poll: भाजप ३७० पेक्षा जास्त जागा जिंकणार; भाजप राष्ट्रीय अध्यक्ष नड्डा यांचा दावा

मुंबई : आज लोकसभा निवडणुकीचे एक्झिट पोल जाहीर केले जात आहेत. मोदी सरकार तिसऱ्यांदा सत्ता मिळवणार की, सत्ता बदल होणार याकडे सर्वांचे लक्ष लागले आहे. याचदरम्यान भाजपचे राष्ट्रीय अध्यक्ष जे.पी. नड्डा यांनी भाजप किती जागा जिंकणार हा आकडा सांगितलाय. लोकसभा निवडणुकीचा प्रचार करताना भाजपकडून ४०० जागांवर विजय होणार असल्याचा दावा केला जात होता. परंतु आता भाजपचे अध्यक्ष जे.पी.नड्डा यांनी भाजप ३७० पेक्षा जास्त जागा जिंकेल, असा दावा केलाय.