संसदेत मंगळवारच्या दिवसाची सुरुवातही गदारोळात झाली. याचदरम्यान, काँग्रेस खासदार आणि लोकसभेतील विरोधी पक्षनेते राहुल गांधी यांनी पंतप्रधान नरेंद्र मोदी यांना पत्र लिहून बुधवारी नीट मुद्द्यावर संसदेत चर्चेची विनंती केली आहे. याआधी सोमवारी राहुल गांधी यांनी नीटसह अनेक मुद्द्यांवरून मोदी सरकारवर निशाणा साधला होता.
याशिवाय राज्यसभेत अनेक विरोधी पक्षांनी देशातील विविध परीक्षांमधील प्रश्नपत्रिका फुटण्याची वाढती प्रकरणे, राज्यांशी भेदभाव आणि केंद्रीय यंत्रणांना दुरुपयोग विरोधी पक्षनेत्यांना त्रास देण्यासाठी करणे, असे आरोपही केले होते.
याआधी सोमवारी राष्ट्रपतींच्या अभिभाषणावरील आभारप्रदर्शनाच्या चर्चेदरम्यान राहुल गांधींनी मोदी सरकारवर जोरदार हल्ला चढवला होता. नीट परीक्षेच्या पेपरफुटीवरून राहुल गांधींनी सरकारवर निशाणा साधला होता. नीट परीक्षा आता व्यावसायिक परीक्षा झाली आहे, असा आरोप त्यांनी केला होता.
कडक कायदे असतानाही पेपरफुटी हे दुर्दैवीच नाही तर लाखो मुलांच्या भवितव्याशी खेळ आहे. ज्या विद्यार्थ्यांनी अनेक वर्षांपासून पेपरची तयारी केली आहे, त्यांच्यासाठी अशी घटना अत्यंत वाईट आहे. या घटनेवरून सरकारचे अपयश दिसून येते, असं राहुल गांधी म्हणाले होते.
दरम्यान, इंडिया आघाडीच्या घटक पक्षांच्या विद्यार्थी संघटनांनी मंगळवारी NEET-UG मधील कथित अनियमिततेबद्दल केंद्रातील भाजप सरकारवर टीका केली होती. वैद्यकीय प्रवेश परीक्षेत बसलेल्या सर्व 24 लाख उमेदवारांसाठी परीक्षा पुन्हा आयोजित करण्याची मागणी केली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
