वृत्तसंस्था : देशात कोरोना रुग्णांच्या संख्येमध्ये मंगळवारी मोठी वाढ झाली. एका दिवसामध्ये ५८ हजार ९७ जणांना कोरोनाची लागण झाली आहे. मृतांची संख्याही दिवसभरात वाढली आहे. मंगळवारी दीडशेपेक्षा कमी असणारी मृत्यूची संख्या अचानकच ५३४ वर येऊन पोहोचली आहे. तर गेल्या २४ तासामध्ये १५ हजार ३८९ जण कोरोनामुक्त (Corona) झाले आहेत.
हे देखील पहा-
केंद्रीय आरोग्य मंत्रालयाने दिलेल्या माहितीनुसार, देशात सक्रीय रुग्णांची संख्या वाढली आहे. देशामध्ये सध्या २ लाख १४ हजार ४ जण कोरोनावर उपचार घेत आहेत. तर आतापर्यंत कोरोनामुळे ४ लाख ८२ हजार ५५१ जणांचा मृत्यू झाला आहे. मागील २४ तासामध्ये १५ हजार ३९८ जणांनी कोरोनावर मात केली आहे. आतापर्यंत देशामध्ये ३ कोटी ४३ लाख २१ हजार ८०३ जण कोरोनामुक्त झाले आहेत.
देशामध्ये कोरोना प्रतिबंधक लसीची लसीकरण (Vaccination) मोहिम वेगाने सुरु आहे. यामध्ये आता १५ ते १८ वयोगटातील मुलांसाठी लसीकरण ३ जानेवारीला सुरु केले आहे. आतापर्यंत देशात १४७ कोटी ७२ लाख लसींचे डोस देण्यात आले आहेत. आज होणाऱ्या बैठकीमध्ये कठोर निर्बंध लावण्याच्या संदर्भात चर्चा झाली आहे. या बैठकीमध्ये झालेल्या चर्चेच्या संदर्भात माहिती मुख्यमंत्री उद्धव ठाकरे यांना कळवण्यात येणार आहे. त्यानंतर मुख्यमंत्री उद्धव ठाकरे हेच या कठोर निर्बंध लावण्याच्या संदर्भात अंतिम निर्णय घेणार आहेत.
पुण्यात कोरोनाचा प्रचंड उद्रेक होताना दिसून येत आहे. पुण्यामध्ये मंगळवारी दिवसभरात तब्बल १ हजार १०४ नवे कोरोनाबाधित रुग्ण आढळले आहेत. यामुळे प्रशासनाचे धाबे दणाणले आहेत. या संकटाच्या पार्श्वभूमीवर प्रशासन आणि सरकार सतर्क आहे. त्यांनी संकटाच्या पार्श्वभूमीवर वेगवेगळ्या उपाययोजना आणि कठोर निर्णय घेण्यास सुरुवात केली आहे. या कठोर निर्बंधांपैकी एक म्हणजे पुण्यात आजपासून मास्कशिवाय कुणी फिरताना दिसले तर त्याला थेट ५०० रुपयांचा दंड आकारला जाणार आहे. तसेच कुणी मास्क नसताना थुंकताना दिसले तर त्या व्यक्तीकडून थेट १ हजार रुपयांचा दंड घेतला जाणार आहे, असे अजित पवार यांनी जाहीर केले आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.