Railway-Truck Accident: झारखंडमध्ये भीषण रेल्वे अपघात; ट्रेन आणि ट्रकची जोरदार टक्कर, बाईकचा चुराडा, Video व्हायरल

झारखंडमधील देवघर येथे रेल्वे आणि ट्रकचा भीषण अपघात झालाय. हावडा-जसिदीह मुख्य रेल्वे मार्गावरील रोहिणी-नवाडीह क्रॉसिंगजवळ एका वेगाने येणाऱ्या ट्रकची ट्रेनशी टक्कर झाली. ही धडक इतकी भीषण होती की ट्रकचा पुढचा भागाचे मोठे नुकसान झाले आहे. ट्रक आणि ट्रेनच्या अपघातात एका दुचाकीचेही नुकसान झाले आहे. दरम्यान स्थानिक रहिवासी आणि सुरक्षा दलांच्या मदतीने मदतकार्य सुरू करण्यात आलंय.

प्रत्यक्षदर्शींनी दिलेल्या माहितीनुसार, ट्रेनशी धडक झाल्यानंत ट्रक अनिंयत्रित होत एका बाईकवर उलटला. यात बाईकचा पूर्ण चुराडा झालाय. दरम्यान तेथील स्थानिकांनी अपघात होताच बचाव कार्य सुरू केलं आणि ट्रकच्या खाली दबलेल्या दोघांना बाहेर काढलं. दोघांची स्थिती गंभीर असल्याचं सांगितलं जात आहे. रेल्वे अपघातानंतर हावडा-जसीहीह मुख्य रेल्वे मार्गावरील रेल्वेची वाहतूक थांबलीय. दरम्यान या अपघाताचा व्हिडिओ सोशल मीडियावर व्हायरल झालाय.

दरम्यान, रेल्वे क्रॉसिंगवर दुचाकी अडकल्याने रस्त्यावर वाहनांच्या लांब रांगा लागल्या आहेत. वाहतूक पूर्ववत करण्यासाठी रेल्वे आणि स्थानिक प्रशासन क्रेन आणि इतर यंत्रसामग्रीची मदत घेत आहे.अपघाताची माहिती मिळताच आरपीएफ आणि जीआरपी पथके घटनास्थळी दाखल झाली. सुरक्षा दलांनी गर्दी नियंत्रित केली आणि बचाव आणि मदत कार्य सुरू केलं. अधिकाऱ्यांनी दिलेल्या माहितीनुसार, रेल्वे मार्ग साफ करणे आणि रेल्वे वाहतूक पुन्हा सुरू करणे हे प्राधान्य आहे. गेट बंद असतानाही ट्रक रुळांवर कसा पोहोचला याचाही तपास पोलिस करत आहेत.

लष्कराच्या वाहनाला मोठा अपघात

जम्मू आणि काश्मीरच्या दोडा जिल्ह्यात एक मोठा अपघात झालाय. लष्कराचे एक वाहन २०० फूट खोल दरीत कोसळले आहे. लष्करी अधिकाऱ्यांच्या माहितीनुसार, या अपघातात १० सैनिक शहीद झाले आणि नऊ जण जखमी झाले. दुर्घटनेची माहिती मिळताच बचाव दल घटनास्थळी दाखल झाले असून त्वरीत मदत कार्य सुरू करण्यात आले.