Jharkhand Ramleela News: दुर्दैवी! रामलीलामध्ये भगवान परशुरामाची भूमिका साकारताना मृत्यूने कवटाळलं; कलाकाराच्या निधनाने परिसरात हळहळ

Ramlila Actor Dies:

मृत्यू कधी आणि कसा ओढावेल हे आजच्या युगात सांगणे कठीण आहे. झारखंडमधील गढवा जिल्ह्यात रामलीलामध्ये एका कलाकाराचा अभिनय करतानाच मृत्यू झालाय. या घटनेमुळे परिसरात हळहळ व्यक्त होत आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या अधिक माहितीनुसार, बुधवारी ही घटना घडलीये. दुर्गापूजेनिमित्त येथे रामलीलेचे आयोजन करण्यात आले होते. गेल्या १० वर्षांपाासून विनोद प्रजापती यामध्ये भगवान परशुरामाची भूमिका साकारत होते. आपल्या अभिनयात ते फार पारंगत होते. त्यांचा अशा पद्धतीने मृत्यू होईल याची कुणालाच काही कल्पना नव्हती.

अभिनय करतानाच मृत्यू

विनोद परशुराम देवाची भूमिका साकारत होते त्यावेळी त्यांच्या छातीत दुखू लागले. ते अचानक खाली पडले. विनोद खाली पडले तेव्हा हा त्यांच्या अभिनयातीलच एक भाग असावा असं त्यांच्या सहकलाकारांना वाटलं. काही वेळ विनोद तसेच पडून राहिले. सहकलाकारांनी त्यांना आवाजही दिला. मात्र त्यांनी काहीच प्रतिक्रिया दिली नाही. त्यामुळे विनोद यांच्या जवळ गेले असता ते बेशुद्ध असल्याचे समजले.

सहकलाकारंनी तात्काळ त्यांना रुग्णालयात दाखल केले. मात्र उपचाराआधीच त्यांचा मृत्यू झाल्याचे डॉक्टरांनी म्हटले आहे. विनोद यांचा मृत्यू झालाय हे प्रेक्षकांनाही माहिती नव्हते. आता आपल्यासमोर इतका चांगला अभिनय करणारा व्यक्ती या जगात नाही हे समजल्यावर सर्वच प्रेक्षकांना मोठा धक्का बसला.

विनोद यांच्या आकस्कित निधनाने संपूर्ण झारखंडमध्ये शोककळा पसरली आहे. त्यांचे सहकलाकार आणि प्रेक्षकांसह सर्वजण त्यांच्या आत्म्याला शांती लाभो अशी प्रार्थना करतायत.