Jharkhand Assembly Election: झारखंड विधानसभा निवडणुकीच्या तारखा जाहीर, दोन टप्प्यात होणार मतदान

निवडणूक आयोगाने झारखंड विधानसभा निवडणुकीच्या तारखा जाहीर केल्या आहेत. झारखंडमध्ये 13 नोव्हेंबर आणि 20 नोव्हेंबरला मतदान होणार आहे. तर 23 नोव्हेंबर रोजी मतमोजणी होणार आहे. राज्यात विधानसभेच्या 81 जागा आहेत. येथे 2.6 कोटी मतदार आहेत. झारखंडमध्ये 29 हजार 562 मतदान केंद्रांवर मतदान असतील. यात 24 हजार 520 बूथ ग्रामीण भागात असतील.

निवडणूक आयोगाने झारखंड आणि महाराष्ट्र विधानसभा निवडणुकांच्या तारखा जाहीर केल्या. झारखंडमध्ये 13 नोव्हेंबर आणि 20 नोव्हेंबर अशा दोन टप्प्यात मतदान होणार आहे. तर महाराष्ट्रात एकाच टप्प्यात मतदान होणार असून 23 नोव्हेंबर रोजी मतमोजणी होणार आहे. झारखंडमध्ये 2.6 कोटी मतदार आहेत.

झारखंड विधानसभा जागा

दोन टप्प्यातील निवडणुका

मतदान- 13 नोव्हेंबर, 20 नोव्हेंबर

सर्वसाधारण जागा- 44

SC-09

ST-28

मतदानाचा निकाल- 23 नोव्हेंबर

बहुमताचा आकडा- 41

निवडणुकाच्या तारखा जाहीर करताना मुख्य निवडणूक आयुक्त म्हणाले. नुकताच आम्ही महाराष्ट्र आणि झारखंड राज्याचा दौरा केला होता. तेथील अधिकाऱ्यांच्या बैठका घेतल्या, तेथील परिस्थितीचा आढावा घेतला. मतदानाची टक्केवारी वाढवण्यासाठी ज्येष्ठ मतदरांसाठी अनेक सुविधा पुरवल्या आहेत. मतदानाच्या वेळी मतदान केंद्रावर ज्येष्ठ नागरिकांना बसण्यासाठी खुर्च्यांची सुविधा पुरवण्यात येणार आहे. तसेच ८५ वयापेक्षा जास्त वयाच्या मतदारांना घरातून मतदान करण्याची सुविधा देखील पुरवण्यात येणार आहे.