Jaipur Gas Tanker Fire : जयपूरमध्ये दोन टँकरची एकमेकांना धडक, अपघातात ११ जणांचा मृत्यू; ४० गाड्या जळून खाक

जयपूरमधून मोठं वृत्त हाती आलं आहे. जयपूरच्या अजमेरमध्ये शुक्रवारी पहाटे ६ वाजता भीषण अपघात झाला. या दोन गॅस टँकरचा अपघात होऊन मोठा स्फोट झाला. या घटनेत ११ जण होरपळले. या घटनेनंतर आजूबाजूला असणारे ४० गाड्या जळून खाक झाल्या. स्फोटाच्या भीषण घटनेनंतर परिसरात एकच खळबळ उडाली.

जयपूरमध्ये अजमेरला जाणाऱ्या महामार्गावर सकाळी ६ वाजता भीषण अपघाताची घटना घडली आहे. दोन टँकरचा अपघात झाल्यानंतर जवळ असलेल्या कारखान्याला आग लागली. त्यानंतर कारखान्याला लागलेली आग वेगाने पसरू लागली. परिसरातील आग वेगाने पसरल्याने ३५ हून अधिक वाहनांनाही आग लागली. या भीषण आगीत वाहनांमध्ये बसलेले प्रवासी होरपळले. आग लागल्यानंतर काहींनी एकमेकांना वाचवण्याचा प्रयत्न केला. घटनास्थळी पोहोचलेल्या पोलीस प्रशासनाने तातडीने रेस्कू ऑपरेशन सुरु केलं. या भीषण घटनेत आतापर्यंत ११ जणांचा मृत्यू झाला आहे.

जयपूर-अजमेर महामार्गावर दिल्ली पब्लिक स्कूलजवळ एलपीजी गॅसचा टँकर अजमेरहून जयपूरकडे निघाला होता. चालकाने अचानक टँकर वळवत होता. त्यामुळे अनेक वाहन चालकांनी अचानक ब्रेक दाबले. याचवेळी दोन गॅस टँकरची एकमेकांना धडक झाली. ही घटना इतकी भीषण होती की, या टँकरमधील गॅस परिसरात पसरला. त्यानंतर आग लागली. काही वेळात सर्वत्र आग पसरली. या आगीचा सर्वत्र भडका उडाला.

अपघातानंतर क्षणार्धात ४० वाहने जळून खाक झाली. ही आग थेट २०० मीटरपर्यंत पोहोचली. या आगीच्या घटनेनंतर लोक थेट १ किलोमीटर दूर पळाले. या आगीच्या घटनेत ३२ जण गंभीर जखमी झाले. त्यातील ५ जणांना डॉक्टरांनी आधीच मृत घोषित केले. तर ५ जणांचा उपचारादरम्यान मृत्यू झाला. एका रुग्णाने जयपुरिया रुग्णालयात प्राण सोडला. अपघातादरम्यान, एका बसमध्ये ३४ जण होते. त्यातील २१ जणाची माहिती हाती आली आहे. तर अद्याप १३ जणांविषयी माहिती हाती आलेली नाही.