Axe Attack : भयानक! पत्नी अन् मुलासमोरच कुऱ्हाडीनं शीर केलं धडावेगळं, अमेरिकेत भारतीय व्यक्तीची निर्घृण हत्या

Indian man killed Dallas, brutal axe attack America : अमेरिकेत भारतीय वंशाच्या व्यक्तीची अतिशय निर्घृण पद्धतीने हत्या करण्यात आली. पार्किंगमध्ये पत्नी आणि मुलासमोरच शीर धडावेगळं करत क्षणात होत्याचं नव्हतं केले. अमेरिकेतली डलास शहरात ही धक्कादायक घटना घडली. हत्या झालेल्या भारतीय वंशाच्या व्यक्तीचे नाव चंद्र नागमल्लैया असं आहे. वॉशिंग मशीन वापरावरून वाद झाला होता. त्यातूनच योर्डानिस कोबोस-मार्टिनेज याने कुऱ्हाडीने डोकं कापलं. आरोपी इतक्यावरच थांबला नाही, शीर धडावेगळं केल्यानंतर त्याला लाथ मारली अन् कचऱ्यात फेकलं.

वाशिंग मशीन वापरू नकोस, ही गोष्ट नागमल्लैया याने डायरेक्ट का सांगितली नाही? यामुळे योर्डानिस कोबोस-मार्टिनेज याचा राग अनावर झाला. दुसऱ्याकडून ऑर्डर मिळाल्यामुळे योर्डानिस संतापला होता. त्यामुळे रागाच्या भरात त्याने कुऱ्हाडीने नागमल्लैया याच्यावर सपासप वार केले.

नागमल्लैया याने योर्डानिस याच्या हल्ल्यातून वाचण्यासाठी पार्किंगमधून ऑफिसकडे पळण्याचा प्रयत्न केला. पण तोपर्यंत उशीर झाला होता. योर्डानिस याने नागमल्लैया याला गाठात भयंकर हल्ला चढवला. नागमल्लैया याच्या पत्नी अन् मुलाने त्याला अडवण्याचा प्रयत्न केला. पण योर्डानिस याच्या डोक्यात सैतान गेला होता. त्याने कुऱ्हाडीने सपासप वार करत नागमल्लैया याचं शीर धडावेगळं केलं. त्यानंतर त्याने जोरात लाथही मारली. त्याचा राग इतक्यावरच शांत झाला नाही, त्याने नागमल्लैया याचं डोकं कचऱ्यात फेकलं.

नागमल्लैया याच्या हत्येची बातमी पोलिसांना तात्काळ समजली. पोलिसांनी तात्काळ घटानस्थळी धाव घेतली. आरोपीला कुऱ्हाडीसह पोलिसांनी अटक केली. नागमल्लैया याच्या त्याच्या बायको अन् मुलासमोरच हत्या करण्यात आली. कोबोस-मार्टिनेज याने याआधीही गंभीर गुन्हे केल्याचे पोलिसांच्या तपासात समोर आले आहे. पोलिसांनी हत्याचा गुन्हा नोंदवला असून त्याला कोर्टात हजर कऱण्यात येणार आहे. पोलिसांकडून या प्रकरणाचा कसून तपास करण्यात आला आहे.