Indian Army Cheetah Helicopter Crash in Arunachal Pradesh : अरूणाचल प्रदेशात मोठी दुर्घटना घडली आहे. राज्यातील मंडला डोंगराळ भागात भारतीय लष्कराचं चीता हेलिकॉप्टर कोसळलं. दुर्घटनेनंतर पायलटसह दोघे बेपत्ता झाले आहेत. त्यांच्या शोधासाठी शोधमोहीम हाती घेण्यात आली आहे.
अरुणाचल प्रदेशातील ही दुर्घटना घडली कशी याबाबत अद्याप ठोस माहिती समोर आलेली नाही. या घटनेनंतर बेपत्ता झालेल्या पायलटसह दोघांचा शोध घेण्यात येत आहे. (Latest Marathi News)
अरुणाचल प्रदेशातील मंडलाच्या डोंगराळ भागात भारतीय लष्कराचं हेलिकॉप्टर कोसळलं. याबाबत गुवाहाटीत संरक्षण विभागाचे पीआरओ कर्नल महेंद्र रावत यांनी सांगितले की, अरुणाचल प्रदेशातील बोमडिलानजीक उड्डाण घेतलेल्या चीता हेलिकॉप्टरचा गुरुवारी सकाळी सव्वानऊ वाजताच्या सुमारास संपर्क तुटल्याची माहिती मिळाली होती.
हेलिकॉप्टर बोमडिलाच्या पश्चिमेकडे मंडलाजवळ कोसळल्याची माहिती मिळाली आहे. त्यानंतर सर्च ऑपरेशन सुरू झालं आहे, अशी माहितीही रावत यांनी दिली.
मागील वर्षीही चीता हेलिकॉप्टरला अपघात
मार्च २०२२ मध्येही जम्मू-काश्मीरमध्ये चीता हेलिकॉप्टरला अपघात झाला होता. या घटनेत दोन पायलटपैकी एकाचा मृत्यू झाला होता. तर एकाला गंभीर दुखापत झाली होती. खराब हवामानामुळे हेलिकॉप्टर कोसळल्याचे कारण समोर आले होते. हेलिकॉप्टर उतरवण्यात येत असतानाच खराब हवामानामुळे नियंत्रणाबाहेर गेल्याने ही दुर्घटना घडली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.