विनोद तळेकर -
लखनऊ : उत्तरप्रदेशच्या (Uttar Pradesh) राजधानी लखनऊमध्ये मराठी माणसांनी एखाद्या व्यवसायात मक्तेदारी निर्माण केलीय, असं जर तुम्हाला कुणी सांगितलं तर तुम्हाला खोटं वाटेल. पण हे खरंय, कारण लखनऊच्या (Lucknow) सुवर्ण व्यवसायात काहीशे मराठी कुटुंबांची मक्तेदारी आहे.
सांगली (Sangli) आणि आसपासच्या परिसरातल्या सतत दुष्काळाला कंटाळून अनेक कुटुंबानी परमुलख आपलासा केला आहे. अशीच काही कुटुंब रोजगार आणि व्यवसायाच्या शोधात सत्तर ऐंशीच्या दशकात लखनौला आली. आणि सुवर्ण अलंकार घडवण्याच्या त्यांच्या अंगभूत कौशल्यामुळे, त्यांनी अगदी कमी वेळातच या परमुलखात आपला जम बसवला आहे.
य़ुपीतील (UP) लखनऊच्या चौक चौराहा परिसरातल्या सोन्याच्या पेढ्यांमधले बहुतांश कारागिर हे मराठी आहेत. तर काही पेढ्यांचे मालकही मराठी आहेत. सोने गलाई, होलमार्कींग यामध्ये तर मराठी कारागिरांचं प्रमाण शतप्रतिशत आहे.
लखनऊच्या आसपासच्या जिल्ह्यातही आता या सुवर्ण कारागिरांनी आपल्या शाखा विस्तारायला सुरूवात केलेय. त्यामुळे नजिकच्या काळात संपूर्ण उत्तर प्रदेशात या मराठमोळ्या सुवर्णकारांचा डंका वाजल्यास आश्चर्य वाटालायला नको असंच म्हणावं लागेल.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
