Weather Update Today: उत्तर भारतात दाट धुकं आणि कडाक्याची थंडी; 'या' राज्यांसाठी रेड, ऑरेंज आणि येलो अलर्ट

IMD Weather Update Delhi Maharashtra

उत्तर भारतातील राज्ये सध्या दाट धुक्याच्या सावटाखाली आहेत. यासोबतच अनेक राज्यांमध्ये थंडी आहे, त्यामुळं नागरिकांना अनेक अडचणींचा सामना करावा लागत आहे. हवामान खात्यानुसार उत्तर भारतातील राज्यांमध्ये असंच वातावरण राहणार आहे. (Latest News)

पुढील पाच दिवसांत उत्तर प्रदेशात अत्यंत दाट धुके (Weather Update) पडणार आहे. त्याच वेळी, चंदीगड, पंजाब आणि हरियाणामध्ये पुढील तीन दिवस दाट धुके राहील. थंडीच्या पुढील दोन दिवस उत्तर भारतात तीव्र थंडी राहणार आहे, अशी माहिती हवामान खात्याने दिलीय. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आयएमडीने जारी केले अलर्ट

हवामान विभागाने उत्तर प्रदेश आणि बिहारच्या काही भागांमध्ये थंड दिवसासाठी रेड आणि ऑरेंज अलर्ट जारी केला आहे. याव्यतिरिक्त IMD ने राजस्थान, मध्य प्रदेश, उत्तराखंड आणि अनेक ईशान्येकडील राज्यांमध्ये शीत लहरींच्या स्थितीसाठी येलो अलर्ट जारी केलाय.

आज सकाळी राष्ट्रीय राजधानी दिल्लीत अंशतः ढगाळ आकाश आणि मध्यम धुके राहण्याचा अंदाज हवामान खात्याने वर्तवला (Weather Update) आहे. यात कमाल आणि किमान तापमान अनुक्रमे 20 आणि 5 अंश सेल्सिअसच्या आसपास राहण्याची शक्यता आहे.

दाट धुक्याची स्थिती

27-30 जानेवारीपर्यंत विविध प्रदेशांमध्ये तीव्र थंडीची स्थिती कायम राहण्याची शक्यता आहे. पश्चिम राजस्थानमधील वेगळ्या भागात 27 ते 28 जानेवारी दरम्यान या तीव्र थंडीचा अनुभव येण्याचा अंदाज आहे. शिवाय, पंजाब, हरियाणा, चंदीगड, पूर्व राजस्थान आणि उत्तराखंडच्या वेगळ्या भागात 27 जानेवारीला थंडीचे दिवस राहण्याची शक्यता (Weather Update Today) आहे.

31 जानेवारीपर्यंत उत्तर प्रदेश, पंजाब, हरियाणा आणि चंदीगडमधील काही भागात रात्री आणि सकाळच्या वेळेत दाट ते अत्यंत दाट धुके असण्याची शक्यता आहे. राज्यातही धुके आणि थंडीचं वातावरण आहे.