E-Challan : तुमच्या वाहनावर RTO चा किती दंड? 'या' ५ सोप्या स्टेप्सने घरबसल्या पाहा

मुंबई: सिग्नल तोडणं असो किंवा ओव्हर स्पीड असो, अनेकदा आपण कळत-नकळत वाहतुकीचे नियम (Traffic Rules) मोडत असतो. आपल्या या चुकीला ट्रॅफिक पोलिसांकडून दंड आकारला जातो. पण, जेव्हा एखाद्या रस्त्यावर वाहतुक पोलीस कर्मचारी नसतात आणि अशावेळी जर आपण वाहतुक नियम मोडला तर त्यावरही आपल्याला आता ऑनलाईन दंड (Penalty) बसतो, आणि तो वेळेवर भरला नाही तर कोर्टाची पायरी चढावी लागते. हे टाळण्यासाठी आपल्याला ई-चलान (E-Challan) ऑनलाईन कसे काढावे? हे माहित असणं गरजेचं आहे. (How to check RTO e-Challan)

हे देखील पाहा -

जवळपास सर्वच मोठ्या शहरांमध्ये उच्च तंत्रज्ञानाच कॅमेरे लावलेले आहेत. जर आपण ट्रॅफिक नियम तोडला तर थेट आपल्या मोबाईलवर ई-चलान तत्काळ पाठवले जाते. याबाबत आपल्याला मेसेज आणि ईमेलवर माहितीही दिली जाते. पण अनेकदा आपल्याला असे ईमेल किंवा मेसेजे येत नाही. परिणामी दंड न भरल्यामुळे आपल्याला कोर्टाची पायरी चढावी लागते. हे टाळण्यासाठी आपण आपल्या वाहनाचं ई-चलान स्टेटस अधून-मधून तपासत राहणं गरजेचं आहे. त्यासाठी पाच सोप्या स्टेप्स जाणून घेऊयात.

तुमच्या वाहनावर किती दंड आहे? हे तपासण्यासाठी तुम्हाला तुमच्या वाहनाचा क्रमांक, वाहनाचा चेसिस क्र. किंवा वाहनाच्या इंजिनचा क्रमांक माहित असावा. यामुळे तुम्ही तुमच्या डेस्कटॉप किंवा मोबाईलवरुन तुमच्या वाहनावर असलेल्या दंडाची रक्कम सोप्या पद्धतीने जाणून घेऊ शकता.

या सोप्या स्टेप्स फॉलो करा आणि जाणून घ्या तुमचे E-Challan Payment Status:

1) सर्वप्रथम आपल्या मोबाईल किंवा डेस्कटॉपच्या ब्राऊजरमध्ये हा यूआरएल टाकून https://mahatrafficechallan.gov.in या वेबसाईटवर जा.

2) यानंतर आपल्या वाहनाचा क्रमांक टाईप करा.

3) वाहनाचा क्र. टाईप केल्यानंतर चेसिस क्र. किंवा इंजिन क्रमांक या दोघांपैकी कोणत्याही एक निवडून त्यांच्या क्रमांकाचे शेवटचे चार क्रमांक टाईप करा.

4) यानंतर शेवटची स्टेप म्हणजे गुगल कॅप्चावर व्हेरिफाय करुन सबमिट करा.

5) सबमिट केल्यानंतर तुम्ही तुमच्या वाहनाचे ई-चलान पीडीएफमध्ये डाऊनलोडही करु शकता.

तर अशाप्रकारे तुम्ही तुमच्या वाहनाचे ई-चलान स्टेटस घरबसल्या अगदी सोप्या पद्धतीने पाहू शकता आणि आपल्या दंडाची रक्कम ऑनलाईनच भरुन आपली संभाव्य दगदग टाळू शकता.

Edited By - Akshay Baisane