Hemant Soren Oath : हेमंत सोरेन तिसऱ्यांदा झारखंडचे मुख्यमंत्री! जिथून अटक झाली, तिथेच १५६ दिवसांनी घेतली शपथ

Hemant Soren Oath as CM Of jharkhand: हेमंत सोरेन यांनी पुन्हा एकदा झारखंडचे मुख्यमंत्री म्हणून शपथ घेतली आहे. ते झारखंडचे १३ वे मुख्यमंत्री ठरले आहेत. मुख्यमंत्री म्हणून त्यांनी आज तिसऱ्यांदा शपथ घेतली आहे.
हेमंत सोरेन तिसऱ्यांदा झारखंडचे मुख्यमंत्री! जिथून अटक झाली, तिथेच १५६ दिवसांनी घेतली शपथ
Hemant Soren Oath as CM Of jharkhand Saam Tv

झारखंडमध्ये पुन्हा एकदा सोरेन सरकार स्थापन झालं आहे. हेमंत सोरेन यांनी तिसऱ्यांदा झारखंडचे मुख्यमंत्री म्हणून शपथ घेतली आहे. रांची येथील राजभवनात राज्यपालांनी हेमंत सोरेन यांना पद आणि गोपनीयतेची शपथ दिली. राजभवनात झालेल्या शपथविधी सोहळ्यात हेमंत सोरेन यांचे वडील शिबू सोरेनही उपस्थित होते.

हेमंत सोरेन यांच्या शपथविधी समारंभात शिबू सोरेन व्यतिरिक्त, कल्पना सोरेन आणि राज्याचे माजी मुख्यमंत्री चंपाई सोरेन देखील उपस्थित होते. याशिवाय राजभवनात झालेल्या शपथविधी सोहळ्यात काँग्रेसचेही अनेक नेते उपस्थित होते. मुख्यमंत्रीपदाचा राजीनामा दिल्यानंतर हेमंत सोरेन यांना राजभवनातूनच अटक करण्यात आली हाती. आता पुन्हा एकदा त्यांनी १५६ दिवसांनी येथूनच मुख्यमंत्रिपदाची शपथ घेतली आहे.

हेमंत सोरेन तिसऱ्यांदा झारखंडचे मुख्यमंत्री! जिथून अटक झाली, तिथेच १५६ दिवसांनी घेतली शपथ
India Alliance: अरविंद केजरीवाल आणि हेमंत सोरेन यांची तात्काळ सुटका करा; इंडिया आघाडीच्या या आहेत 5 मोठ्या मागण्या

झारखंडचे माजी मुख्यमंत्री चंपाई सोरेन आता पक्षाच्या समन्वय समितीच्या अध्यक्षपदी असतील. चंपाई सोरेन यांच्या राजीनाम्यानंतरच हेमंत सोरेन यांनी नव्या सरकारसाठी दावा केला होता आणि शपथ घेतल्यानंतर ते नवे मुख्यमंत्री झाले आहेत. आता हेमंत सोरेन त्यांचे नवे मंत्रिमंडळ स्थापन करणार आहेत.

मुख्यमंत्री शपथ घेण्याआधी हेमंत सोरेन यांनी एक व्हिडीओ संदेशात म्हटले होते की, 'पाच महिन्यांपूर्वी सत्तेच्या नशेत असलेल्या अहंकारी लोकांनी मला गप्प करण्याचा प्रयत्न केला. आज झारखंडच्या लोकांचा आवज पुन्हा बुलंद होणार.'

हेमंत सोरेन तिसऱ्यांदा झारखंडचे मुख्यमंत्री! जिथून अटक झाली, तिथेच १५६ दिवसांनी घेतली शपथ
Champai Soren Resigns: झारखंडमध्ये मोठी उलथापालथ! चंपई सोरेन यांनी दिला मुख्यमंत्रिपदाचा राजीनामा, हेमंत सोरेन पुन्हा CM

हेमंत सोरेन म्हणाले की, ''या ठिकाणाहून मी तुम्हाला एक संदेश दिला होता की, विरोधकांनी आमच्याविरोधात कसा कट रचला आणि त्यात ते यशस्वी झाले. मला पाच महिने तुरुंगात ठेवण्याचा प्रयत्न झाला. आम्ही कायदेशीर लढाईचा मार्गही स्वीकारला. अखेर न्यायालयाने माझी निर्दोष सुटका केली. मी आज पुन्हा तुमच्या समोर आहे.''

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com