भारतातील अनेक राजकारण्यांचे गुरु महंत नरेंद्र गिरी यांचा संशयास्पद मृत्यू (व्हिडिओ)

प्रयागराज - अखिल भारतीय आखाडा परिषदेचे अध्यक्ष नरेंद्र गिरी Nagendra Giri Maharaj यांचा संशयास्पद मृत्यू Death झाला आहे. प्रयागराज येथील गेस्ट हाउसमध्ये महंत नरेंद्र गिरी महाराज यांचा मृतदेह आढळून आला आहे. मृतदेहाजवळ पोलिसांना एक चिठ्ठी देखील आढळली आहे. या चिठ्ठीमध्ये त्यांनी आपण एका शिष्यामुळे दुःखी असल्याचे त्यांनी म्हटले आहे.

या चिठ्ठीमध्ये त्यांनी त्यांचे शिष्य आनंद गिरी यांच्या नावाचा उल्लेख केला आहे. त्यामुळे या प्रकरणी आता आनंद गिरी यांच्यावर संशय व्यक्त केला जात आहे. पण पोलिसांनी या प्रकरणी अद्याप पर्यंत कुठलीही माहिती देण्यास नकार दिला आहे. महंत नरेंद्र गिरी महाराज यांनी आत्महत्या केल्याचा प्राथमिक अंदाज पोलिसांनी व्यक्त केला आहे.

हे देखील पहा -

या घटनेबाबदची माहिती मिळताच पोलिसांनी घटनास्थळी धाव घेतली. तसेच आयजी केपी सिंह KP Singh आणि इतर वरिष्ठ अधिकारी यांनी देखील त्या जागेची पाहणी केली. प्राप्त माहितीनुसार, महंत नरेंद्र गिरी महाराज यांचा मृतदेह गेस्ट हाउसमधील एका पंख्याला लटकलेल्या स्थितीत आढळून आला. तसेच ज्या घरात गिरी यांचा मृतदेह लटकलेला होता, त्या घराचे सर्व दरवाजे बंद होते अशी माहिती समोर आली आहे.

नरेंद्र गिरी महाराज गेल्या काही दिवसांपासून मानसिक तणावतून जात होते. गेल्या अनेक दिवसांपासून नरेंद्र गिरी महाराज यांचा त्यांचे शिष्य आनंद गिरी यांच्याशी वाद सुरु होता अशी माहिती समोर आली आहे. आनंद गिरी यांना नरेंद्र गिरी महाराज यांनी त्यांच्या आश्रमातून बाहेर काढले होते. त्यानंतर आनंद गिरी यांनी माफी देखील मागितली होती.

Edited By - Shivani Tichkule