file Photos
file PhotosSaam tv

Gujarat News: तलावात आंघोळीला गेले अन् अनर्थ घडला; ५ अल्पवयीन मुलांचा पाण्यात बुडून मृत्यू

Gujarat News: गुजरातमध्ये धक्कादायक घटना घडली आहे. गुजरातच्या बोटाद जिल्ह्यात तलावात बुडून ५ अल्पवयीन मुलांचा मृत्यू झाल्याची दुर्दैवी घटना घडली आहे.

Gujarat News: गुजरातमध्ये धक्कादायक घटना घडली आहे. गुजरातच्या बोटाद जिल्ह्यात तलावात बुडून ५ अल्पवयीन मुलांचा मृत्यू झाल्याची दुर्दैवी घटना घडली आहे. या पाचही मुलांचं साधारण वय १६ ते १७ असल्याचं सांगण्यात येत आहे. पोलिसांनी घटनेचा तपास सुरू केला आहे. (Latest Marathi News)

मिळालेल्या माहितीनुसार, गुजरातमधील बोटाद शहराजवळील कृष्णा सागर तलावाजवळ दोन मुले त्यांच्या आजोबासोबत फिरायला गेले होते. त्यावेळी लहान मुलांनी आजोबाकडे तलावात जाऊन आंघोळ करण्यासाठी हट्ट केला. त्यानंतर आजोबांनी त्यांना तलावात उतरण्यास परवानगी दिली. त्यानंतर ही दोन मुले तलावात उतरले.

file Photos
Karnataka New CM: कर्नाटकात कोण होणार मुख्यमंत्री? आज होणार फैसला! ही 5 नावं प्रबळ आहेत दावेदार

तलावात उतरल्यानंतर ही दोन मुले खोल पाण्यात गेल्याने बुडू लागले. त्यानंतर तलावात आंघोळ करणाऱ्या दुसऱ्या तीन मुले वाचवायला गेले. मात्र, यावेळी अनर्थ घडला. यावेळी तलावात पाच जणांचाही पाण्यात बुडून मृत्यू झाला. या घटनेचा बोटाद पोलिसांनी तपास सुरू केला आहे.

वृत्त संस्थेच्या माहितीनुसार, कृष्णा सागर तलावात बुडून मृत्यू झालेल्या मुलांचं वय साधारण वय १६ ते १७ च्या दरम्यान आहे. या घटनेत मृत्यूमुखी झालेल्या मुलांचे मृतदेह बाहेर काढण्यात आले असून शवविच्छेदनासाठी पाठवण्यात आले आहेत. तसेच पोलसांनी घटनास्थळी उपस्थित आजोबांची देखील चौकशी केली आहे.

file Photos
Petrol Diesel Price Today: आनंदाची बातमी! रविवारी कच्चा तेलाच्या किंमती घसरल्या; 'या' शहरांमध्ये पेट्रोल झालं स्वस्त

दरम्यान, कृष्णा सागर तलावाजवळ अनेक जण आंघोळीसाठी येत असतात. स्थानिकांच्या माहितीनुसार, ही घटना खूपच धक्कादायक आहे. या तलावात मोठ्या संख्येत नागरिक आंघोळ करतात. त्यामुळे प्रशासनाने काही उपाय केले पाहिजेत, अशी मागणी स्थानिक नागरिकांकडून केली जात आहे. पाच मुलांच्या मृत्यूने त्यांच्या कुटुंबांवर शोककला पसरली आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News Saam TV
saamtv.esakal.com