गुजरातमध्ये मंत्रिमंडळ विस्तार, २५ नव्या मंत्र्यांचा शपथविधी; पाहा लिस्ट

भाजपचे सरकार असलेल्या गुजरातमध्ये गुरूवारी राजकीय घडामोडींना वेग आला होता. गुजरातचे मुख्यमंत्री भूपेंद्र पटेल वगळता मंत्रिमंडळातील १६ मंत्र्यांनी आपल्या पदाचे राजीनामे दिले आहेत. दरम्यान, आता गुजरातच्या राजकारणात एक नवीन अध्याय सुरू होणार आहे. मंत्रिमंडळ विस्ताराचा भाग म्हणून नवीन मंत्र्यांचा शपथविधी सोहळा आज गांधीनगरमधील महात्मा मंदिरात पार पडणार आहे. या भव्य समारंभात राज्यपाल आचार्य देवव्रत नवीन मंत्र्यांना पद आणि शपथ देतील.

मुख्यमंत्री भूपेंद्र पटेल यांच्या नेतृत्वाखालील गुजरात सरकार या मंत्रिमंडळ विस्तारासाठी सज्ज झाले आहे. यावेळी मंत्रिमंडळात कोणत्या चेहऱ्यांचा समावेश केला जाईल, याबद्दल राजकीय वर्तुळात चर्चा सुरू आहे.

गुजरातचे मुख्यमंत्री वगळता सर्व मंत्र्यांनी एकत्र राजीनामे दिले होते. यामुळे गुरूवारी गुजरातमध्ये राजकीय वादळ निर्माण झाले होते. एकाच वेळी १६ मंत्र्यांनी राजीनामे दिले. त्यानंतर आज नवीन मंत्रिमंडळ स्थापन होईल. यात ४ ते ५ मंत्र्यांची पुनरावृत्ती होऊ शकते, असा अंदाज आहे. मंत्रिमंडळात अनेक नवीन चेहरे देखील दिसू शकतात.

मुख्यमंत्र्यांनी घेतली राज्यपालांची भेट

गुजरातचे मुख्यमंत्री भूपेंद्र पटेल यांनी गुजरातचे राज्यपाल आचार्य देवव्रत यांची भेट घेतली. त्यांनी भेट घेऊन गुजरात मंत्रिमंडळाच्या सध्याच्या स्थितीची माहिती दिली. तसेच नवीन मंत्रिमंडळ सदस्यांसाठी शपथविधी समारंभ आयोजित करण्याची परवानगी मागितली.

सुत्रांनी दिलेल्या माहितीनुसार, गुजरात मंत्रिमंडळात २५ मंत्री शपथ घेणार आहेत. गुजरात मंत्रिमंडळात २५ मंत्री शपथ घेणार आहेत.

• त्रिकम छंगा

• दर्शन वाघेला

• स्वरूपजी ठाकोर

• रूशिकेश पटेल

• प्रवीणकुमार माली

• रूशिकेश पटेल

• पीसी बरंडा

• अर्जुन मोढवाडिया

• कुंवरजी बावलिया

• कांतिलाल अमृतिया

• रिवाबा जाडेजा

• कमलेशभाई पटेल

• डॉ. प्रद्युम्न वाजा

• परषोत्तम सोलंकी

• कौशिक वेकारिया

• रमणभाई सोलंकी

• हर्ष संघवी

• संजयसिंह महीदा

• मनीषा वकील

• रमेशभाई कटारा

• ईश्वरसिंह पटेल

• प्रफुल्ल पंसेरिया

• नरेश पटेल

• कनुभाई देसाई

• डॉ. जयरामभाई गामित