Jaishankars Security : परराष्ट्रमंत्री जयशंकर यांची सुरक्षा वाढली, Y ऐवजी मिळणार Z श्रेणीची सुरक्षा, जाणून घ्या कारण

External Affairs Minister S Jaishankar:

परराष्ट्रमंत्री एस. जयशंकर यांची सुरक्षा वाढवण्यात आलीय. जयशंकर यांना आता वायऐवजी झेड सुरक्षा पुरवण्यात येणार आहे. यापूर्वी परराष्ट्रमंत्र्यांना वाय श्रेणीचे सुरक्षा मिळत होती.(Latest News)

अधिकृत सूत्रांनी दिलेल्या माहितीनुसार, केंद्रीय गृह मंत्रालयाने केंद्रीय राखीव पोलीस दलाला (CRPF) त्यांच्या सुरक्षेची जबाबदारी घेण्यास सांगितले आहे. आतापर्यंत दिल्ली पोलीस ही जबाबदारी सांभाळत होते. दरम्यान ६८ वर्षीय जयशंकर यांना दिल्ली पोलिसांच्या सशस्त्र पथकाने 'वाय' श्रेणीच्या सुरक्षा संरक्षण दिले होते.

सीआरपीएफकडून त्यांना 'झेड' श्रेणीची सुरक्षा पुरवली जाणार आहे. यामध्ये देशभरात सुमारे १४ ते १५ सशस्त्र कमांडो २४ तासाच्या शिफ्टमध्ये त्यांच्यासोबत असतील. केंद्रीय गृहमंत्री अमित शहा आणि काँग्रेस नेते सोनिया गांधी, राहुल गांधी आणि प्रियंका गांधी वड्रा यांच्यासह १७६ लोकांना सीआरपीएफची व्हीआयपी सुरक्षा मिळत आहे.