Goa Politics: गोव्यात राजकीय हालचाली वाढल्या; काँग्रेसचे 8 आमदार भाजपात प्रवेश करणार?

दिनेश केळुस्कर

Goa Politics: गोव्यात काँग्रेसला (Congress) मोठा धक्का बसू शकतो कारण काँग्रेसचे 8 आमदार भाजपमध्ये प्रवेश करण्याची शक्यता वर्तवण्यात येत आहे. भाजपचे गोवा (Goa) प्रदेशाध्यक्ष सदानंद तानावडे यांनी काँग्रेसचे 8 आमदार भाजपमध्ये (BJP) प्रवेश करणार असल्याचा दावा केला आहे.

गोव्यात विधानसभेच्या 40 जागा असून या वर्षी फेब्रुवारीमध्ये निवडणुका झाल्या होत्या. राज्यात भाजपचे २५ आमदार आहेत, तर काँग्रेसचे ११ आमदार आहेत. त्या 11 आमदारांपैकी 8 आमदार भाजपमध्ये प्रवेश करणार असल्याचा दावा भाजपने केला आहे.

हे देखील पाहा -

यामध्ये दिगंबर कामत, मायकेल लोबो, राजेश फळदेसाई, केदार नाईक, संकल्प अमनोकर, अलेक्सिओ सिक्वेरा, रुडॉल्फ फर्नांडिस यांचा समावेश आहे. देशभरात काँग्रेसकडून भारत जोडो यात्रा सुरू असताना दुसरीकडे भाजपने काँग्रेसला मोठा धक्का दिला आहे. भाजपात सामिल होणाऱ्या आमदारांमध्ये माजी मुख्यमंत्री दिगंबर कामत यांचाही समावेश आहे. दिगंबर कामत हे काँग्रेसचे गोव्यातील महत्त्वाचे नेते समजले जातात.

अद्याप या भाजपप्रवेशाबाबत कोणत्याही आमदाराकडून अधिकृतपणे दुजोरा मिळू शकलेला नाही. मात्र आज किंवा उद्या हे आठही आमदार काँग्रेसला सोडचिठ्ठी देऊन भाजपमध्ये प्रवेश करणार असल्याची माहिती समोर आली आहे.