नमो भारत एक्स्प्रेसमध्ये शरीरसंबंध ठेवले, आता अंगाशी येणार; व्हिडिओ व्हायरल झाल्यानंतर तरूण-तरुणीवर गुन्हा

नमो भारत ट्रेनमध्ये शरीरसंबंध ठेवणाऱ्या जोडप्यावर कारवाईचा बडगा उगारण्यात आला आहे. या जोडप्याविरोधात NCRTC ने मुरादनगर पोलीस स्टेशनमध्ये गुन्हा नोंदवला आहे. गेल्या आठवडाभरापासून दोघांचा व्हिडिओ व्हायरल होत आहे. पोलिसांनी त्यांच्यावर गुन्हा नोंदवून पुढील कारवाईला सुरुवात केली आहे.

एका आठवड्यापूर्वी दोघांच्या शरीरसंबंधाचा व्हिडिओ सोशल मीडियावर प्रचंड व्हायरल झाला होता. त्यांच्या अश्लील व्हिडिओवर नेटकऱ्यांनी जोरदार टीका केली होती. नेटकऱ्यांनी या कपलवर कायदेशीर कारवाईची मागणी केली होती. त्यानंतर एनसीआरटीसीचे अधिकाऱ्यांनी कारवाईसाठी पाऊल उचललं.

एनसीआरटीसीचे अधिकारी दुष्यंत कुमार यांच्या तक्रारीवरून पोलिसांनी तरुण-तरुणीवर गुन्हा दाखल केला आहे. तसेच व्हिडिओ व्हायरल करणाऱ्या ऑपरेटरविरोधातही गुन्हा दाखल केल्याची माहिती मिळत आहे.

मीडिया रिपोर्टनुसार, या प्रकरणी पोलिसांच्या तपासाला वेग आला आहे. धावत्या एक्स्प्रेसमध्ये शरीरसंबंध ठेवणाऱ्या जोडप्यावर कडक कारवाई करण्यात येणार असल्याचे सांगण्यात येत आहे. या पुढे आता एक्स्प्रेसमध्ये गैरकृत्य करणाऱ्यांवर कठोर कारवाई केली जाईल, असेही स्पष्ट करण्यात आलं आहे.

तत्पूर्वी, नमो भारत ट्रेनमध्ये २ वर्षांत दोन कोटी प्रवाशांनी प्रवास केला आहे. दिवसेंदिवस या ट्रेनमधून प्रवास करणाऱ्यांची संख्या वाढत आहेत. नोव्हेंबर २०२३ साली या ट्रेनमधून महिन्याला ७२००० प्रवासी प्रवास करत होते. आता जुलै २०२५ साली आकडा १५ लाखांवर पोहोचला आहे. आनंद विहार सारख्या प्रमुख स्टेशनवरून दिवसाला सरासरी ६० हजारांहून अधिक प्रवासी प्रवास करत आहेत.