Faridabad Tragedy: झाडांना पाणी घालताना घात झाला; १४व्या मजल्याचा स्लॅप कोसळून SBIच्या मॅनेजरचा मृत्यू

फरिदाबाद : कुंडीतील रोपांना पाणी देताना एका ६६ वर्षीय निवृत्त बँक व्यवस्थापकाचा १४व्या मजल्यावरून पडून मृत्यू झाल्याची धक्कादायक दुर्घटना घडली आहे. ही घटना मंगळवारी सकाळच्या सुमारास घडली असून पोलीस या घटनेचा अधिक तपास करत आहेत.

स्टेट बँक ऑफ इंडियातून निवृत्त झालेले ६६ वर्षीय कुलवंत सिंग त्यांच्या मुलासह सवाना या सोसायटी मध्ये राहत होते. सिंग मंगळवारी (दि २४) सकाळी ८च्या सुमारास नेहमीप्रमाणे त्यांच्या राहत्या निवासी इमारतीमधील १४व्या मजल्यावरील स्कायवॉकवर असलेल्या रोपांना पाणी घालत असताना इमारतीचा स्लॅब कोसळला आणि सिंग १४व्या मजल्यावरून खाली पडले. या दुर्घटनेनंतर सिंग यांना हॉस्पिटलमध्ये आल्यानंतर डॉक्टरांनी त्यांना मृत घोषित केले.

तथापि, सोसायटीतील काही रहिवाशांनी सांगितले की सोसायटीमध्ये बांधलेले सर्व स्कायवॉक पूर्णपणे जीर्ण झाले आहेत. याबाबत एका आठवड्यापूर्वी रेसिडेंट वेल्फेअर असोसिएशन (RWA) कडे तक्रार करण्यात आली होती, परंतु अद्याप कोणतीही कारवाई झालेली नाही, असे त्यांनी सांगितले.

या घटनेचा पोलीस अधिक तपास करत आहेत.