फटाक्यांच्या कारखान्यात भीषण स्फोट; अनेक कामगारांचा मृत्यू

वृत्तसंस्था: उत्तर प्रदेशामध्ये (Uttar Pradesh) एका फटाक्यांच्या कारखान्यात भीषण स्फोट (Explosion) झाल्याची धक्कादायक घटना समोर आली आहे. या दुर्घटनेमध्ये अनेक कामगारांचा (Workers) मृत्यू झाला आहे. हा स्फोट इतका भीषण होता की, मृतदेहांच्या अक्षरशः चिंधड्या उडाल्याचे प्रत्यक्षदर्शींने यावेळी सांगितले आहे. या दुर्घटनेची माहिती मिळताच पोलिसांनी (police) घटनास्थळी धाव घेतली. तसेच बचावकार्य सुरु करण्यात आले आहे.

हे देखील पहा-

मिळालेल्या सूत्रांच्या माहितीनुसार, शामली (Shamli) येथील बुटराडा गावातील (village) कारखान्यामध्ये सोमवारी हा स्फोट झाला आहे. हा स्फोट इतका शक्तीशाली होता की त्यामुळे आजूबाजूचा परिसर संपूर्ण हादरला आहे. यानंतर परिसरामधील लोकांनी तात्काळ घटनास्थळी धाव घेत घटनेची माहिती घेतली. ग्रामस्थांनी स्फोटाची माहिती पोलिसांना दिली आहे. त्यानंतर पोलीस घटनास्थळी दाखल झाले आहेत.

पोलिसांना मिळालेल्या माहितीनुसार, फटाक्यांची (firecrackers) निर्मिती सुरु असताना कारखान्यात स्फोट झाला आहे. या स्फोटामध्ये अनेक कामगारांचा मृत्यू झाला आहे. पण याची नेमकी संख्या आजून देखील समोर आली नाही. हा स्फोट इतका भीषण होता की, यामध्ये कामगारांच्या मृतदेहाचे अक्षरशः चिंधड्या उडाले आहेत.

Edited By- Digambar Jadhav