Shocking : पायात सँडल घातली, अन् घात झाला; विषारी सापाच्या दंशाने इंजिनीअरचा मृत्यू

बेंगळुरूत सापाच्या दंशाने एकाचा दुर्दैवी मृत्यू झाला आहे. विषारी सापाने दंश केल्याने ४१ वर्षीय सॉफ्टवेअर इंजिनीअरचा मृत्यू झाला. पावसाळी चपलेत विषारी साप लपला होता. याच सापाने ४१ वर्षीय इंजिनीअरवर हल्ला केला. सापाच्या दंशानंतर तासाभरात इंजिनीअरने जीव सोडला.

मंजू प्रकाश असे सॉफ्टवेअर इंजिनीअरचे नाव आहे. मंजू प्रकाश टीसीएसमध्ये काम करत होता. मंजू हे बेंगळुरूत रंगनात लेआउटमध्ये राहायला होते. पोलिसांनी दिलेल्या माहितीनुसार, मंजू प्रकाश यांनी पावसाळी क्रॉक्स चप्पल ही घराच्या गेटबाहेर ठेवली होती. चप्पल घराबाहेर ठेवून दुकानात ज्यूस खरेदी करण्यासाठी गेले. त्यानंतर काही वेळानंतर परतले. मात्र, या पावसाळी सँडलमध्ये विषारी साप होता. मंजू यांनी चप्पल घालताच विषारी सापाने दंश केला.

एनडीटीव्ही रिपोर्टनुसार, प्रकाशला आधी देखील सापाने दंश केला होता. त्यावेळी मंजू प्रकाशला कोणताही त्रास झाला नव्हता. आताही सापाच्या दंशाने प्रकाश यांना वेदना झाल्या नाहीत. प्रकाश यांच्या कुटुंबीयांना त्यांच्या चप्पल आढळला. त्यानंतर कुटुंबीयांनी साप बाहेर काढला. मात्र, एकीकडे सापाचा मृत्यू झाला होता.

तर पायाखाली दबला गेल्याने सापाचा मृत्यू झाला होता. तर दुसरीकडे प्रकाश देखील बेशुद्ध झाले होते. प्रकाश यांच्या पायातून रक्त निघत होतं. त्यांच्या कुटुंबीयांनी प्रकाश यांना तातडीने रुग्णालयात दाखल केलं. मात्र, डॉक्टरांनी प्रकाश यांना मृत घोषित केलं.