Japan Earthquake : जपानमध्ये भूकंपाचे तीव्र झटके; होक्काइडोमधील नागरिक भयभीत

Japan Earthquake : जपानमधून एक मोठी बातमी समोर आली आहे. येथील होक्कइडो या ठिकाणी काल शनिवारी भूकंपाचे तीव्र झटके जाणवले आहेत. जपानच्या हवामान विभागाने आणि अमेरिकेच्या एका रिपोर्टमध्ये होक्काइडोमध्ये झालेल्या भूकंपाची तीव्रता ६.१ इतकी असल्याचं म्हटलं आहे. (Latest Japan Earthquake News)

होक्काइडोपासून दूर असलेल्या कुशीरो आणि तटीया या शहरांमध्ये देखील या भूकंपाचे झटके जाणवले आहेत. या घटनेत कोणतीही जीवितहानी किंवा कोणतेही नुकसान झाल्याची माहिती समोर आलेली नाही.

पुढील आठवड महत्वाचा

जपानच्या स्थानिक माध्यमांवर आलेल्या माहितीनुसार, रात्री १०.२७ मिनिटांनी शहरात भूकंपाचे झटके जाणवले आहेत. ४३ किलोमीटर खोल अंतरावर हा भूकंप झाला. या परिसरात पुढील आठ दिवस अशाच भूकंपाची शक्यता वर्तवली आहे. त्यामुळे येथील नागरिकांना सतर्कतेचा इशारा देण्यात आला आहे.

जपानमध्ये भूकंप होणे ही एक साधी गोष्ट आहे. या ठिकाणी नेहमीच भूकंप होत असतात. त्यामुळेच येथील इमारतींचे बांधकाम अतिशय कठीण आणि मजबूतीने केले जाते. इमारत मजबूत असल्याने ६.१ तीव्रतेपेक्षाही अधिक तीव्रतेचा भूकंप सहन करू शकते. २० फेब्रुवारी रोजी देखील या ठिकाणी भूकंपाचे झटके जाणवले होते. मात्र याची तीव्रता ५.३ इतकीच होती.