मशिदीवर झेंडा लावण्याचा आरोप चुकीचा; किरकोळ कारणावरून वाद

वृत्तसंस्था: जहांगीरपुरी हिंसाचार प्रकरणात दिल्ली पोलिसांनी पत्रकार परिषद घेऊन घटनेची माहिती दिली आहे. दिल्ली पोलीस आयुक्त राकेश अस्थाना म्हणाले आहे की, पोलीस (Police) या प्रकरणाचा तपास करत आहेत. या घटनेमध्ये जो कोणी आरोपी (Accused) असेल त्याच्यावर कठोर कारवाई केली जाणार आहे. या हिंसाचारात ८ पोलीस कर्मचारी देखील जखमी झाल्याचे दिल्ली (Delhi) पोलीस आयुक्तांनी सांगितले आहे.

हे देखील पहा-

या प्रकरणाच्या तपासात १४ पथके कार्यरत आहेत. त्यांनी सांगितले आहे की, पोलिस या घटनेच्या घटकांवर करडी नजर ठेवून आहेत. या हिंसाचार (Violence) प्रकरणात आतापर्यंत २३ जणांना अटक (Arrested) करण्यात आली आहे. ते पुढे म्हणाले आहे की, काही वस्तुस्थितीची माहिती असल्यास तुम्ही पोलिसांशी संपर्क साधावा. कोणत्याही अफवांकडे लक्ष करू नका दुर्लक्ष करा. दिल्ली पोलीस आयुक्तांनीही अफवा पसरवणाऱ्यांवर कारवाई करण्याचे यावेळी सांगितले आहे.

दिल्ली पोलीस आयुक्त म्हणाले की, सीसीटीव्ही (CCTV) फुटेज आणि सोशल मीडियावर चर्चा केली जात आहे. एफएसएलच्या पथकांनी आज घटनास्थळी भेट दिली. जहांगीरपुरी हिंसाचारावर दिल्लीचे पोलीस आयुक्त राकेश अस्थाना म्हणाले की, जो कोणी कोणत्याही वर्ग, पंथ, समुदाय आणि धर्माचा दोषी आढळल्यास त्याच्यावर कारवाई केली जाणार आहे.

Edited By- Digambar Jadhav