नवी दिल्ली : मनी लाँड्रिंग प्रकरणी दिल्लीचे आरोग्य मंत्री सत्येंद्र जैन (Health Minister Satyendra Jain) यांना ईडीने अटक केली आहे. या अटकेमुळे दिल्लीच्या अरविंद केजरीवाल सरकारला मोठा धक्का बसला आहे. सत्येंद्र जैन यांनी कोलकाता येथील एका कंपनीशी संबंधित हवाला व्यवहार प्रकरणी अटक केली आहे.
जैन यांनी हवालामार्फत पैसा मागवला होता, त्या पैशांमध्ये गैरव्यवहार झाल्याचा त्यांच्यावर आरोप करण्यात आला असून याच प्रकरणात त्यांना ईडीने अटक केली आहे. जैन हे अरविंद केजरीवाल (Arvind Kejriwal) यांच्या सरकारमध्ये आरोग्यमंत्री आहेत. दरम्यान, याबाबत दिल्लीचे मुख्यमंत्री केजरीवाल यांनी पंजाबच्या निवडणूकां आधीच ED सत्येंद्र जैन यांना अटक करू शकते, असं म्हटलं होतं.
शिवाय एप्रिलमध्ये, ईडीने मनी लाँड्रिंग (Money laundering) चौकशीच्या संदर्भात जैन यांच्या कुटुंबाची आणि कंपन्यांची ४.८१ कोटी किमतीची मालमत्ता जप्त केली होती. शिवाय ईडीने यापूर्वी जैन यांना मालमत्ता जप्त करण्यासाठी पीएमएलए (PMLA) अंतर्गत तात्पुरता आदेश दिला होता.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.