पार्किंगवरून झालेल्या वादामुळे भाजप कार्यकर्त्याला जिवंत जाळण्याचा प्रयत्न करण्यात आला आहे. ही धक्कादायक घटना दक्षिण पश्चिम दिल्लीतील आरके पुरम भागात घडली आहे. रविवारी सायंकाळी भाजप कार्यकर्ता आपल्या नातेवाईकांसह मिठाई खरेदीसाठी बाजारात गेले होते. यादरम्यान, त्यांनी चारचाकी मोटारसायकल दुकानाच्या बाहेर लावली. यावरून दोघांमध्ये वाद झाला. कडाक्याचं भांडणं झाल्यानंतर मेकॅनिकला राग अनावर झाला. त्याने थेट कार्यकर्त्यावर पेट्रोल ओतून पेटवून देण्याचा प्रयत्न केला. या घटनेनंतर परिसरात खळबळ उडाली आहे.
राहुल चौहान असे भाजप कार्यकर्त्याचे नाव आहे. घटनेच्या दिवशी ते आपल्या नातेवाईकांसह मिठाई घेण्यासाठी दुकानात जात होते. त्यांनी आपली कार एका मॅकेनिकच्या दुकानाबाहेर पार्क केली आणि ते मिठाईच्या दुकानात गेले. मिठाई घेऊन परत आल्यानंतर दुकानदाराशी त्यांचा पार्किंगवरून वाद झाला. काही वेळानंतर वाद विकोपाला गेला. वादाचं रूपांतर काही वेळात भांडणात झालं.
यादरम्यान, मेकॅनिकला राग अनावर झाला. त्यानं पेट्रोलचा कॅन घेतला आणि राहुल यांच्या अंगावर ओतलं. तसेच त्यांना पेटलून देण्याचा प्रयत्न केला. या घटनेनंतर परिसरातील नागरितांनी आग विझवण्याचा प्रयत्न केला. जखमी असलेल्या राहुल यांना तातडीने उपचारासाठी दाखल करण्यात आले आहे.
या प्रकरणानंतर राहुल यांचा भाऊ सिद्धांत चौहान यांनी पोलिसांत तक्रार दाखल केली. त्यांनी मेकॅनिकविरोधात तक्रार दाखल केल्याची माहिती समोर आली आहे. राहुल यांच्या भावाने दिलेल्या माहितीनुसार, राहुल हे भाजप पक्षाचे बसंत बिहार मंडळाचे सक्रिय कार्यकर्ते आहेत. त्यांना जिवंत जाळण्यात प्रयत्न करण्यात आल्यामुळे परिसरात खळबळ उडाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.