Delhi News: दिल्लीतील 2 रुग्णालयांना बॉम्बने उडवून देण्याची धमकी, पोलीस हाय अलर्ट मोडवर

Delhi Bomb Threat: अलीकडेच दिल्लीतील शाळांना बॉम्बने उडवण्याची धमकी मिळाली होती. यानंतर आज दिल्लीतील दोन रुग्णालयांना बॉम्बने उडवून देण्याची धमकी मिळाली आहे. यावेळीही धमकी देणाऱ्या व्यक्तीने जुन्या पद्धतीने ईमेल पाठवत ही धमकी दिली आहे.
Delhi News
Delhi News Saam Tv

Delhi Hospitals Receive Bomb Threat:

अलीकडेच दिल्लीतील शाळांना बॉम्बने उडवण्याची धमकी मिळाली होती. यानंतर आज दिल्लीतील दोन रुग्णालयांना बॉम्बने उडवून देण्याची धमकी मिळाली आहे. यावेळीही धमकी देणाऱ्या व्यक्तीने जुन्या पद्धतीने ईमेल पाठवत ही धमकी दिली आहे. मिळालेल्या माहितीनुसार, हा धमकीचा मेल दिल्लीतील संजय गांधी रुग्णालय आणि बुरारी रुग्णालयला आला आहे.

रुग्णालयांनी दिली पोलिसांना माहिती

रुग्णालयांच्या तक्रारीनंतर पोलीस, अग्निशमन दल, सर्व नागरी यंत्रणांव्यतिरिक्त बॉम्ब आणि श्वान पथक घटनास्थळी पोहोचले आहेत. रुग्णालयात शोधमोहीम सुरू आहे. मात्र आतापर्यंत रुग्णालय परिसरातून काहीही संशयास्पद आढळून आलेले नाही.

Delhi News
Mumbai North Lok Sabha: कोण होणार उत्तर मुंबईचा खासदार? पियुष गोयल भाजपाचा गड राखणार?

दरम्यान, गेल्या आठवड्यात दिल्ली आणि अहमदाबाद, गुजरातमधील शाळांना बॉम्बच्या धमक्या मिळाल्या होत्या. त्या नंतर अफवा ठरल्या. हे ईमेल 2 मे रोजी दिल्लीतील 131, गुरुग्राममधील पाच आणि नोएडा आणि ग्रेटर नोएडामधील तीन शाळांना मिळाले होते.

Delhi News
Arvind Kejriwal: चीनने कब्जा केलेली जमीन परत घेणार; केजरीवाल यांच्या १० गॅरंटी

शाळांना एकाच आयपी वरून ईमेल प्राप्त झाले होते. जे व्हीपीएन कनेक्शन वापरून पाठवण्यात आले होते. ईमेल पाठवणाऱ्या आरोपींनी सवारियम हा अरबी शब्द वापरला होता. ज्याचा अर्थ तलवारीचा संघर्ष आणि आयएसआयएसच्या प्रचाराशी संबंधित आहे. मात्र याप्रकरणी तपस करणाऱ्या अधिकाऱ्यांनी सांगितलं की, यात आयएसआयएसचा सहभाग असण्याची शक्यता नाही.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com