देशाच्या वायुदल प्रमुखपदी महाराष्ट्राचे विवेक चौधरी

सातारा : एअर मार्शल विवेक राम चौधरी air marshal vivek ram chaudhari हे देशाच्या वायुदल दलाचे प्रमुख म्हणून लवकरच कार्यभार स्विकारणार आहेत. संरक्षण मंत्रालयाने defence ministry चाैधरी यांच्या नावाची नुकतीच घोषणा केली आहे. श्री. चौधरी हे मूळचे महाराष्ट्र राज्यातील नांदेड जिल्ह्यातील हदगाव तालुक्याच्या हस्तरा येथील आहेत.

श्री. चौधरी हे देशातील २७ वे वायुदल प्रमुख असतील. यापूर्वी त्यांनी एक जुलै रोजी हवाई दलाचे उपप्रमुख म्हणून पदभार स्वीकारला होता. २९ डिसेंबर १९८२ मध्ये भारतीय हवाई दलाच्या लढाऊ शाखेत सहभागी झाले हाेते. एअर मार्शल चौधरी सध्या भारतीय हवाई दलाचे उपप्रमुख म्हणून काम करत आहेत. त्यांनी मिग २९ स्क्वाड्रनचे नेतृत्व केले आहे. त्यांना एसयू ३० एमकेआयसह विविध प्रकारच्या विमानांचा अनुभव आहे.

हवाईदल प्रमुख आरकेएस भदौरिया हे ३० सप्टेंबरला सेवानिवृत्त होत आहेत. त्यानंतर व्हीआर चौधरी हे आपला पदभार स्विकारतील. त्यांच्या निवडीने नांदेड जिल्ह्यासह महाराष्ट्रात चैतन्याचे वातावरण पसरले आहे.

edited by : siddharth latkar