स्मृती आणि पलाशचे लग्न पुढे ढकलले गेले होते
मात्र आता स्मृती आणि पलाशचे लग्न रद्द झाले आहे
सोशल मीडियावर दोघांनी एकमेकांना अनफॉलो केले
चाहत्यांमध्ये चर्चा वाढल्या
भारतीय महिला क्रिकेट संघातील स्टार फलंदाज मानधना आणि संगीतकार पलाश मुच्छल यांचे लग्न मोडलं असल्याची बातमी समोर आली आहे. शिवाय या दोघांनी सोशल मीडियावर एकमेकांना अनफॉलो केलं आहे. स्मृतीने आपल्या सोशल मीडियावर पोस्ट करत ही माहिती दिली असून काही दिवसांपासून सुरु असलेल्या चर्चांना आता पूर्णविराम मिळाला आहे.
भारतीय क्रिकेटपटू स्मृती मानधना आणि संगीतकार पलाश मुच्छल हे गेल्या ६ वर्षांपासून रिलेशनशिपमध्ये होते. यावर्षी या दोघांनी लग्नासाठी पुढाकार घेतला. ठरल्याप्रमाणे त्यांचं लग्न २३ नोव्हेंबरला होणार होत मात्र स्मृतीच्या वडिलांना हार्ट अटॅक आल्याने हे लग्न स्थगित झालं. त्यानंतर नव्या चर्चांना उधाण आले.
सोशल मीडियावर पालाशच्या बाहेरील संबंधांबद्दल अनेक अफवा समोर आल्या. मात्र पलाशची बहीण आणि स्मृतीचे व्यवस्थापक तहन मिश्रा यांनी श्रीनिवास मानधना यांची प्रकृती बरी झाल्यानंतरच लग्न केले जाईल, असे सांगितले होते. पण पलाश आणि स्मृतीने सोशल मीडियावर शेअर केलेल्या पोस्टनुसार त्यांचं लग्न मोडलं असल्याचे म्हटलं आहे.
त्यांनतर स्मृतीने आपल्या इंस्टाग्रामच्या फॉलो लिस्टमधून सुद्धा पलाशला अनफॉलो केल्याचे दिसून येत आहे. त्यामुळे आता बऱ्याच चर्चा सोशल मीडियावर होत आहेत. त्यामुळे आता पुढे काय होणार याकडे चाहत्यांचे लक्ष लागले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.