Corona JN.1 Variant : कोरोनाच्या नव्या व्हेरिएंट JN.1च्या रुग्णसंख्येत वाढ, दोन नवीन लक्षणे आली समोर

Corona Jn.1 Variant :

कोरोनाचा नवीन व्हेरिएंट JN.1ने नागरिकांची चिंता वाढवली आहे. गेल्या काही दिवसांत कोरोनाबाधित रुग्णसंख्येत झपाट्याने वाढ होत आहे. यामध्ये कोरोनच्या नव्या व्हेरिएंटच्या रुग्णांचाही समावेश आहे. नव्या व्हेरिएंच प्रसार वेगाने होत असल्याने सरकार देखील अलर्ट मोडवर आहे. मात्र आता सर्वांचीची चिंता वाढवणारी माहिती समोर आली आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कोरोनाच्या नव्या व्हेरिएंट JN.1ची आणकी दोन लक्षणे समोर आली आहे. नवीन लक्षणांमध्ये झोपेचा त्रास होणे आणि चिंता वाढणे यांचा समावेश आहे. यूके ऑफिस फॉर नॅशनल स्टॅटिस्टिक्सने डिसेंबर २०२३ मध्ये या लक्षणांचा माहिती दिली होती. त्यामुळे अशी लक्षणे दिसल्यास ताबडतोब डॉक्टरांकडे जाऊन सल्ला घ्या.

JN.1ची इतर लक्षणे?

• कोरोनाच्या नव्या व्हेरिएंटची लागण झाल्यास तुम्हाला सर्दी-ताप ही लक्षणे दिसू शकतात.

• खोकला, डोकेदुखी, अशक्तपणा आणि थकवा ही लक्षणे देखील दिसतात.

• स्नायू दुखणे, घसा खवखवणे यासारखी लक्षणे देखील दिसतात.

काय काळजी घ्याल?

कोविडपासून बचाव करण्यासाठी वारंवार साबणाने स्वच्छ हात धुवा. गर्दीच्या ठिकाणी मास्क घाला, शारीरिक अंतर ठेवा आणि गाईडलाईन्सचे पालन करा. चेहऱ्याला स्पर्श करणे टाळा, विशेषत: डोळे, नाक आणि तोंड. खोकताना किंवा शिंकताना तोंड आणि नाक झाकून घ्या. अस्वस्थ वाटत असताना घरीच रहा आणि इतरांनाही तसेच सांगा.