Lok Sabha Election: राहुल गांधी वायनाड सीट सोडणार? या 2 लोकसभा जागांवरून निवडणूक लढवण्याची शक्यता

Lok Sabha Election 2024:

आगामी लोकसभा निवडणुकीत काँग्रेस नेते राहुल गांधी केरळमधील वायनाड मतदारसंघ सोडू शकतात. न्यूज 18 ने सूत्रांच्या हवाल्याने सांगितले की, राहुल गांधी यावेळी वायनाडमधून लोकसभा निवडणूक लढवणार नसल्याची चर्चा आहे. न्यूज 18 च्या वृत्तानुसार, राहुल गांधी 2024 च्या सार्वत्रिक निवडणुकीत लोकसभेच्या 2 जागांवरून निवडणूक लढवू शकतात.

राहुल गांधी कर्नाटक किंवा तेलंगणातील एका जागेवरून आणि उत्तर प्रदेशातील एका जागेवरून निवडणूक लढवण्याची शक्यता असल्याचे सूत्रांचे म्हणणे आहे. सध्या राहुल गांधी वायनाडचे खासदार आहेत. 2019 ची निवडणूक त्यांनी येथून 4 लाखांहून अधिक मतांनी जिंकली होती. त्याचवेळी केंद्रीय मंत्री आणि भाजपच्या उमेदवार स्मृती इराणी यांनी 2019 मध्ये राहुल गांधी यांचा अमेठी मतदारसंघातून पराभव केला होता. इराणी यांचा त्यावेळी 55 हजारांहून अधिक मतांनी विजयी झाला होता. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

केरळमधील सत्ताधारी लेफ्ट डेमोक्रॅटिक फ्रंटचा (LDF) भाग असलेल्या भारतीय कम्युनिस्ट पक्षाने लोकसभा निवडणुकीसाठी 4 जागांसाठी आपले उमेदवार जाहीर केले असताना राहुल गांधींबद्दलची ही बातमी समोर आली आहे. सीपीआय हा एलडीएफचा दुसरा सर्वात मोठा घटक आहे.  (Latest Marathi News)

पक्षाच्या ज्येष्ठ नेत्या ॲनी राजा यांना वायनाड मतदारसंघातून उमेदवारी देण्यात आली आहे. सीपीआयचे ज्येष्ठ नेते आणि माजी खासदार पन्नियान रवींद्रन यांना तिरुअनंतपुरममधून तिकीट देण्यात आले आहे. या जागेचे प्रतिनिधित्व सध्या काँग्रेसचे ज्येष्ठ नेते शशी थरूर करत आहेत. सीपीआयने माजी कृषी मंत्री व्हीएस सुनील कुमार आणि पक्षाच्या युवा शाखेचे ऑल इंडिया युथ फेडरेशनचे नेते सीए अरुणकुमार यांना अनुक्रमे त्रिशूर आणि मावेलिक्कारा येथून उमेदवारी दिली आहे.

पंतप्रधान मोदी यांचा उद्या केरळ दौरा

दरम्यान, पंतप्रधान नरेंद्र मोदी 2 महिन्यांपेक्षा कमी कालावधीत तिसऱ्यांदा केरळच्या दौऱ्यावर जात आहेत. याबाबत राज्यातील कार्यकर्त्यांमध्ये आत्मविश्वास वाढला आहे. पंतप्रधान मोदी मंगळवारी अधिकृत कार्यक्रमासाठी केरळ राज्याची राजधानी तिरुअनंतपुरम येथे पोहोचणार आहेत. जिथे ते भाजपच्या राज्य युनिटने आयोजित केलेल्या पदयात्रेच्या समारोप समारंभात देखील सहभागी होतील. या दक्षिणेकडील राज्यात लोकसभा निवडणुकीत काही जागा जिंकण्याची पक्षाला आशा आहे.