Rahul Gandhi Video: पक्षविरोधी भूमिका घेणाऱ्यांवर काय कारवाई?, महाराष्ट्रातील नेत्यांच्या प्रश्नावर राहुल गांधींनी सांगितली शिकाऱ्याची गोष्ट!

काँग्रेसच्या (Congress) गोटातून मोठी बातमी समोर आली आहे. 'जर कोणी ऐकत नसेल तर शिकार करा आणि भिंतीवरती टांगा', अशा सूचना काँग्रेसचे नेते राहुल गांधी (Rahul Gandhi) यांनी महाराष्ट्रातील नेत्यांना केल्याची माहिती समोर आली आहे. काँग्रेसमध्ये पक्षविरोधी भूमिका घेणाऱ्यांवर आता कारवाई होणार आहे. राहुल गांधी यांच्या या इशारानंतर राजकीय वर्तुळात आता चर्चा सुरू झाली आहे.

मिळालेल्या माहितीनुसार, जर कोणी ऐकत नसेल तर शिकार करा आणि भिंतीवरती टांगा असा इशारा काँग्रेसचे नेते राहुल गांधी यांनी महाराष्ट्रातील नेत्यांना हसत खेळत दिला आहे. पक्षविरोधी कोणी भूमिका घेत असेल तर पक्ष काय कारवाई करणार? असा मुद्दा एका नेत्याने मांडला होता. या नेत्याच्या प्रश्नाचे उत्तर देताना राहुल गांधी यांनी महाराष्ट्रातील नेत्यांना शिकाऱ्याची गोष्ट सांगत थेट इशारा दिला आहे. सुत्रांनी याबाबत माहिती दिली आहे.

या चर्चेला मुंबई काँग्रेसमधील वादाची किनार होती अशी माहिती समोर आली आहे. यानंतर काँग्रेसचे नेते मल्लिकार्जुन खरगे यांनी प्रभारी रमेश चन्नीथला यांना ४ जूलैला मुंबईत जाऊन हा वाद मिटवण्याचे आदेश दिले होते. अशामध्ये आता राहुल गांधी यांनी पक्षात नेमकी काय कारवाई करणार हेच संगितले आहे. राहुल गांधी यांच्या ईशाऱ्यानंतर अध्यक्षांनी पक्षाविरोधी कारवाई कराल तर खपवून घेतलं जाणार नाही असा महाराष्ट्रातील नेत्यांना गर्भित इशारा दिला आहे.