Vande Bharat train Food : वंदे भारत ट्रेनमधील जेवणात सापडलं झुरळ; प्रवाशांचा संताप

Bhopal News : वंदे भारत ट्रेन पुन्हा एकदा चर्चेत आली आहे. यावेळी ट्रेनमधून प्रवास करणाऱ्या ग्वाल्हेर येथील एका प्रवाशाला त्याच्या जेवणात झुरळ आढळले. त्याचा फोटो प्रवाशाने ट्विटरवर शेअर केला आहे. हा फोटो सध्या वेगाने व्हायरल होत आहे.

मिळालेल्या माहितीनुसार, 25 जुलै रोजी ही बाब समोर आली आहे. प्रवासी आपल्या कुटुंबासोबत वंदे भारत ट्रेनमधून प्रवास करत होता. भोपाळहून ग्वाल्हेरला जाणाऱ्या कोच क्रमांक C-8, सीट क्रमांक 57 वर प्रवास करणाऱ्या प्रवाशाला पराठे देण्यात आले होते.

या प्रवाशाच्या पराठ्यात झुरळ निघाले आले. या प्रकारामुळे प्रवासी आणि त्याच्या कुटुंबीयांनी याबाबत संताप व्यक्त केला. यानंतर  रेल्वे अधिकाऱ्यांनी संबंधित ठेकेदारावर कडक कारवाई करण्याची मागणी प्रवासी व त्याच्या नातेवाईकांनी केली आहे. (Latest Marathi News)

​​तक्रारीनंतर IRCTC ने प्रवाशांसाठी पर्यायी जेवणाची व्यवस्था केली आणि माफीही मागितली. तक्रारीनंतर आयआरसीटीसीने विक्रेत्याला कडक कारवाईचा इशारा दिला आणि दंड ठोठावला. अशा घटना पुन्हा घडू नयेत यासाठी किचनचे मॉनिटरिंगही वाढवण्यात आले आहे.