ज्ञानेश कुमार राजीनामा देईपर्यंत आंदोलन सुरूच राहणार, CJPचे प्रमुख नेते ताब्यात, अंजिक्य शिंदेंकडे नेतृत्व

केंद्रीय शिक्षणमंत्री धर्मेंद प्रधानानंतर आता ज्ञानेश कुमारांच्या राजीनाम्यासाठी कॉक्रोच जनता पार्टी म्हणजे CJPनं पुन्हा एकदा रणशिंग फुंकलं. जंतरमंतरवर आंदोलन करण्यासाठी एकाच विमानातून सीजेपीचे संस्थापक अभिजीत दिपके, सौरव दास आणि आशुतोष रांका दिल्लीकडे निघाले होते. मात्र दिल्लीत विमान लँड होताच मोठा हायहोल्टेज ड्रामा झाला. दिल्ली पोलिसांनी आपल्या महिला पोलीस अधिकाऱ्यांना विमानात घुसवून या तिघांना ताब्यात घेतलं. यावेळी दिपके आणि पोलीस अधिकाऱ्यांमध्ये शाब्दिक चकमक झाली...(थोडा अँबियंस सोडा)...यावेळी अभिजीत दिपके काय म्हणाले पाहूयात....

यानंतर या तिघांना पोलिसांनी अज्ञात स्थळी नेलं. मात्र अटक होणार असल्याचा अंदाज दिपकेंनी आधीच व्यक्त केला होता. त्यामुळे अटकेनंतर आंदोलनाची धुरा अजिंक्य शिंदे सांभाळणार असल्याची घोषणा करणारा व्हिडिओ दिपकेंनी अटकेनंतर रिलीज केला. त्यानंतर लगेचच अंजिक्य शिंदेंनी सीजेपीच्या कार्यकर्त्यांना आंदोलनात सहभागी होण्याचं आवाहन केलं.

आंदोलनाचं नेतृत्व अंजिंक्य शिंदेंकडे आल्यानंतर त्यांनी ज्ञानेश कुमारांचा राजीनामा होईपर्यंत आंदोलन सुरूच राहणार असल्याची घोषणा केली.

मुळात सीजेपीचं जंतर मंतरवरील आंदोलन मोडून काढण्यासाठी दिल्ली पोलिसांनी एक दिवस आधीच दिल्लीत कमालीची तटबंदी केली. जंतरमंतरकडे येणाऱ्या रस्त्यांवर खिळे ठोकले. तर बॅरिकेड्सना साखळीनं बांधून जमिनीत कुलूपं ठोकलं. दिल्लीच्या रस्त्यांवर तब्बल ४० हजारांपेक्षा जास्त पोलील आणि निमलष्करी जवान तैनात करण्यात आले. आंदोलकांची कोंडी करण्यासाठी देशभरातून दिल्लीत येणाऱ्या रेल्वे गाड्या रद्द करण्यात आल्या. तर दिल्लीतील अनेक मेट्रो गाड्याही रद्द करण्यात आल्या. मात्र सीजेपीच्या आंदोलकांनी जमेल तसं जमेल त्या मार्गानं दिल्ली गाठली आणि आपला आवाज बुलंद कऱण्याचा प्रयत्न केला. दिवसभरात तब्बल १५ हजारांपेक्षा जास्त आंदोलकांना ताब्यात घेण्यात आलं. मात्र तरीही सीजेपीच्या आंदोलनाची धग काही कमी झाली नाही. त्यामुळे हे आंदोलन आता कधीपर्यंत चालणार? दिपके आणि त्यांच्या सहकाऱ्यांची सुटका कधी होणार? याकडे सर्वांचं लक्ष लागलंय.