राजस्थानमध्ये आता बालविवाहाची नोंदणी केली  जाणार, भाजपने म्हटलं 'काळा कायदा'

राजस्थानमध्ये आता बालविवाहाची नोंदणीही केली जाईल. विवाह नोंदणी कायदा शुक्रवारी राजस्थान विधानसभेत मंजूर झाला. यामध्ये बालविवाहाची नोंदणी करण्याचीही तरतूद करण्यात आली आहे. संसदीय कामकाज मंत्री शांती धारिवाल यांनी हे विधेयक सभागृहात मांडले. (Child marriage will now be registered in Rajasthan, BJP says 'black law')

हे देखील पहा -

कायद्यात अशी तरतूद आहे की जे बालविवाह करतात त्यांना 30 दिवसांच्या आत त्यांच्या लग्नाची नोंदणी करावी लागेल. या वादग्रस्त विधेयकामुळे विधानसभेत प्रचंड गदारोळ झाला. भाजपने काँग्रेसच्या अशोक गेहलोत सरकारवर बालविवाहाला प्रोत्साहन दिल्याचा आरोप केला. भाजपने विधानसभेत या विधेयकावर मतांचे विभाजन करण्याची मागणी केली आणि जेव्हा सरकार सहमत झाले नाही, तेव्हा भाजपने सभागृहातून वाॅक आऊट केले.

Edited By - Akshay Baisane