Chandrayaan 3 Launch Confirm Date : चांद्रयान प्रक्षेपणाची निश्चित तारीख आणि वेळ ठरली, या दिवशी अवकाशात झेपावणार

Chandrayaan-3 News : : इंडियन स्पेस रिसर्च ऑर्गनायझेशन म्हणजेच ISROने आपल्या चंद्रयान 3 मिशनची घोषणा केली आहे.  इस्रोचे प्रमुख एस सोमनाथ यांनी याबाबत माहिती दिली आहे. येत्या 14 जुलै रोजी चंद्रयान 3चं प्रेक्षपण होणार आहे.

श्रीहरिकोटा येथील सतीश धवन अंतराळ केंद्रातून दुपारी 2 वाजून 35 मिनिटांनी अंतराळयान उड्डाण करेल. इस्रोने यापूर्वी चंद्रायान मिशनची तारीख 13 जुलै सांगितली होती. पण ही तारीख आता बदलण्यात आली आहे. (Latest News Update)

इस्रोचे प्रमुख एस सोमनाथ यांनी जाहीर केले की, लॉन्च विंडो 19 जुलैपर्यंत खुली राहील. जर प्रक्षेपण नियोजित तारखेला झाले नाही तर ते 19 तारखेपर्यंत बॅकअप डेटवर हलवले जाऊ शकते. यावेळी ही मोहीम चंद्रावर सॉफ्ट-लँड करेल, असा विश्वास सोमनाथ यांनी व्यक्त केला आहे.

चंद्रयान-3 हा चंद्रयान मोहिम मालिकेतील तिसरा भाग आहे. चंद्राच्या पृष्ठभागावर सॉफ्ट लँडिंग करण्याच्या भारत दुसऱ्यांदा प्रयत्न करणार आहे. आजपर्यंत केवळ तीनच देशांनी चंद्रावर अंतराळयान यशस्वीपणे उतरवले आहे.