India-Pakistan Ceasefire : बॉर्डवर पाकिस्तानशी लढताना BSF जवानाला वीरमरण, बायकोला सांगितलं पडल्यामुळे जखमी झाले; गावात शोककळा

छपरा : पाकिस्तानकडून होणाऱ्या सततच्या गोळीबारात अनेक भारतीय जवान शहीद आहे आहेत. बिहारच्या छपरा येथील नारायणपूर गावातील बीएसएफचे (BSF) उपनिरीक्षक मोहम्मद इम्तियाज हे देखील पाकिस्तान गोळीबारात शहीद झाले आहेत. १० मे २०२५ रोजी जम्मू आणि काश्मीरच्या आरएसमध्ये ते पाकिस्तानच्या गोळीबारात शहीद झाले आहेत.

दुर्दैवी म्हणजे, त्यांच्या पत्नीला अद्याप त्यांच्या हौतात्म्याची माहिती देण्यात आलेली नाही. पडल्यामुळे त्यांच्या पायाला दुखापत झाल्याचं त्यांना सांगण्यात आलं आहे. इम्तियाज यांनी मातृभूमीचं रक्षण करताना शौर्य दाखवलं. त्यांच्या हौतात्म्याबद्दल संपूर्ण गावात शोककळा आणि अभिमानाचं वातावरण आहे. त्यांच्या शौर्याला सलाम करत बीएसएफने त्यांना श्रद्धांजली वाहिली आहे. त्यांचा श्रद्धांजली समारंभ आज जम्मूमध्ये होणार आहे. इम्तियाज यांच्या मागे पत्नी, दोन मुले आणि दोन मुली असा आप्त परिवार आहे.

१० मे २०२५ रोजी पाकिस्तानने गोळीबार सुरू केला. या गोळीबारात बीएसएफचे उपनिरीक्षक मोहम्मद इम्तियाज शहीद झाले. ते छपरा जिल्ह्यातील नारायणपूर गावचे रहिवासी होते. इम्तियाज आर.एस. जम्मू आणि काश्मीरचे ते पुरा सेक्टरमध्ये तैनात होते. त्यांच्या हौतात्म्याची बातमी अद्याप त्यांच्या पत्नीला देण्यात आलेली नाही. त्यांना फक्त एवढंच सांगण्यात आलं आहे की पडल्यामुळे त्यांच्या पायाला दुखापत झाली आहे.

बीएसएफने आपल्या अधिकृत निवेदनात शहीद इम्तियाज यांच्या शौर्याला श्रद्धांजली वाहिली आणि म्हटलं आहे की, 'आम्ही उपनिरीक्षक मोहम्मद इम्तियाज यांच्या शौर्याला सलाम करतो. राष्ट्रसेवेसाठी त्यांनी दिलेलं सर्वोच्च बलिदान अविस्मरणीय राहील. या बातमीमुळे नारायणपूर गावात शोककळा पसरली आहे. प्रत्येकाच्या डोळ्यात पाणी आहे, पण गावालाही अभिमान आहे की त्यांच्या गावाच्या मुलाने देशासाठी आपले जीवन अर्पण केलं.

शोक व्यक्त करताना बीएसएफचे महासंचालक म्हणाले, 'मोहम्मद इम्तियाज यांचे शहीद होणं ही केवळ एक दुःखद घटना नाही तर ती देशातील तरुणांसाठी प्रेरणादायी आहे. त्यांचे धाडस आणि देशाप्रती असलेले समर्पण येणाऱ्या पिढ्यांना देशभक्तीचा खरा अर्थ शिकवत राहील.'