Political News : भररस्त्यात दिवसाढवळ्या काँग्रेस नेत्यावर प्राणघातक हल्ला; राजकीय वर्तुळात खळबळ

Bengaluru Congress Leader Gopalkrushna Nayak Attack बंगळूरच्या अंकोलामध्ये काँग्रेस नेत्यावर दिवसाढवळ्या भीषण हल्ला करण्यात आला आहे. सदर घटना बुधवारी सकाळच्या सुमारास घडली आहे. या नेत्याचं नाव गोपाळकृष्ण नायक असे आहे. या हल्ल्यात नायक गंभीर जखमी झाले आहेत. याप्रकरणी ६ हल्लेखोरांवर पोलीस ठाण्यात गुन्हा दाखल करण्यात आला असून चौघांना पकडण्यात पोलीस यशस्वी झाले आहेत. तर दोघांचा शोध सुरु आहे.

मिळालेल्या माहितीनुसार, बुधवारी सकाळच्या सुमारास नायक एका सलूनमध्ये गेले होते. सलूनमधून बाहेर पडताच त्यांना ६ जणांच्या टोळीने गाठलं. या सहा जणांच्या टोळीने नायक यांच्या पोटात आणि डोक्यात अनेक वेळा चाकूने वार केले. या हल्ल्यात नायक गंभीर जखमी झाले. तसेच त्यांच्यासोबत असणाऱ्या एका व्यक्तीलासुद्धा गंभीर दुखापत झाली.

दोघांनाही तातडीने अंकोला येथील एका खाजगी रुग्णालयात दाखल करण्यात आले असून, त्यांच्यावर उपचार सुरू आहेत. हल्लेखोरांच्या गाडीवर गोव्याचा नंबर होता. याचाच अर्थ ते गोव्यावरून आल्याची शक्यता असून हल्लेखोर हल्ला केल्यानंतर गोव्याच्या दिशेने लगेचच पळून जाण्याचा प्रयत्न करत केला. मात्र पोलिसांच्या बंदोबस्तामुळे आणि वेगवान कार्यामुळे चार आरोपींना माजली चेकपोस्टजवळ ताब्यात घेण्यात आले. इतर दोन संशयित अद्याप फरार आहेत.

पोलिसांनी सांगितले की, ताब्यात घेतलेले चार आरोपी हल्ल्यासाठी वापरलेली गाडी मागे सोडून टॅक्सीने गोव्याच्या दिशेने प्रवास करत होते. त्यांनी हट्टीकेरी टोलनाका ओलांडला होता आणि ते गोवा सीमेच्या जवळ पोहोचले होते, तेव्हा पोलिसांनी सीसीटीव्ही फुटेजच्या आधारे त्यांचा माग काढला आणि कारवार व गोवा सीमेवरील शहर असलेल्या माजली येथे त्यांना अडवले.तपास अधिकाऱ्यांना संशय आहे की हा हल्ला एक पूर्वनियोजित हत्या होती. दरम्यान या प्रकरणी पोलीस सखोल तपास करत आहेत.