मोठी बातमी! गुजरातमध्ये मीठ कारखान्याची भिंत कोसळून 12 जणांचा मृत्यू

गुजरातमधील मोरबी येथे एक मोठी दुर्घटना घडली. येथील हलवड जीआयडीसीमध्ये मीठ कारखान्याची भिंत कोसळली आहे. या अपघातात 12 जणांचा मृत्यू झाला अशी माहिती मिळत आहे. अजूनही 15 हून अधिक लोक ढिगाऱ्याखाली दबले असल्याचे सांगण्यात येत आहे.

मोरबीच्या मीठ कारखान्यात झालेल्या दुर्घटनेनंतर या घटनेचे अनेक व्हिडिओही समोर आले आहेत. भिंत पडल्याने तिथल्या मिठाच्या गोण्या खाली पडल्याचे दिसून येते. त्यात अनेक लोक गाडले गेले आहेत.

स्थानिक लोक आणि कारखान्याचे कामगार भिंतीवरील मलबा आणि पोत्या काढून खाली गाडलेल्या लोकांना बाहेर काढत आहेत. तर जखमींना दवाखान्यात दाखल करण्यात आले आहे. प्रशासनाने 12 जणांचा मृत्यू झाल्याची पुष्टी केली आहे. ढिगाऱ्याखाली आणि पोत्यांखाली आणखी लोक दबले गेल्याची भीती व्यक्त केली जात आहे.