ब्राह्मण आणि बनिया दोन्ही समाज माझ्या खिशातच; भाजप नेत्याच वादग्रस्त वक्तव्य

भोपाळ : ब्राह्मण आणि वाणी समाजाबाबत एका भाजपनेत्याने BJP Leader वादग्रस्त वक्तव्य केलं आहे. त्यांनी केलेल्या या वक्तव्यामुळे त्यांच्यावरती सर्व स्तरावरुन मोठ्या प्रमाणात टीका होत आहे.

हे देखील पहा -

तुम्ही सबका साथ सबका विकास असे म्हणता. तर कधी ब्राह्मण आणि बनिया यांची भाषा करता तसेच दलित आदिवासी यांच्यासोबतही विकास करण्याची भाषा करत असता त्यामुळे नेमका कोणाचा विकास करणार आहात असा प्रश्न भाजपनेते पी. मुरलीधर राव (BJP leader P. Muralidhar Rao) यांना विचारण्यात आला असता ते म्हणाले 'ब्राह्मण व बनिया हे समाज पूर्वापार आमच्यासोबत आहेत त्यामुळे आम्ही आता अन्य समाजातील लक्ष केंद्रित केले असून ब्राह्मण व बनिया तर माझ्या दोन खिशामध्येच आहेत.'

दरम्यान या टीकेवरती त्यांनी आपल्या म्हणण्याचा अर्थ लोकांना कळला नसल्याच ते म्हणाले आहेत. तसेच आपल्यावरती टीका करण्याऱ्यांवरतीच राव यांनी टीका केली आहे. तसेच पी. मुरलीधर राव आपल्या वादग्रस्त वक्तव्यांनी नेहमीच चर्चेत असतात काही दिवसांपूर्वी त्यांनी आपल्याच पक्षातील लोकांना नालायक असं म्हटलं होतं.

Edited By - Jagdish Patil