कराची: पाकिस्तानातील कराची विद्यापीठात झालेल्या स्फोटात कारमध्ये धमाका झाला आहे. या अपघातात चार जणांचा मृत्यू झाला आहे, तर तीन जण जखमी असल्याची माहिती आहे. मिळालेल्या माहितीनुसार, या स्फोटात ठार झालेले चारही लोक चीनचे नागरिक आहेत.
विद्यापीठाच्या कन्फ्युशियस इन्स्टिट्यूटजवळ हा स्फोट झाला. स्फोटाच्या वेळी कारमध्ये चिनी लोक होते. या स्फोटात मृत्युमुखी पडलेल्यांमध्ये चिनी शिक्षक आणि चालकाचा समावेश आहे. स्फोटानंतर संपूर्ण परिसरात एकच खळबळ उडाली. ही कार चिनी संस्थेची असल्याचे सांगण्यात आले.
प्राथमिक माहितीनुसार, स्फोटात जखमी झालेल्या तीन जणांमध्ये एक परदेशी नागरिक, एक रेंजर अधिकारी आणि एका सुरक्षा रक्षकाचा समावेश आहे. त्यांना उपचारासाठी रुग्णालयात पाठवण्यात आले आहे.
मृतांमध्ये दोन महिला आणि एका पुरुषाचा समावेश आहे. स्थानिक वेळेनुसार पहाटे 1.52 वाजता कन्फ्युशियस इन्स्टिट्यूटजवळ एका कारमध्ये स्फोट झाला. कन्फ्यूशियस इन्स्टिट्यूट हे कराची विद्यापीठात चिनी भाषा शिकविण्याचे केंद्र आहे. स्फोटानंतर बचाव पथके आणि सुरक्षा कर्मचारी तातडीने घटनास्थळी पोहोचले. सध्या परिसराची नाकेबंदी करण्यात आली असून लोकांना येथून दूर राहण्यास सांगण्यात आले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.