Lok Sabha Election : तिसरी बार मोदी सरकार, अबकी बार ४०० पार'; लोकसभेसाठी भाजपचा नवा नारा

Teesri Baar Modi Sarkar Ab Ki Baar 400 Paar For Lok Sabha Election :

देशातील ५ राज्यांमध्ये नुकत्याच झालेल्या विधानसभा निवडणुकांचे निकाल पाहता भाजपचा आत्मविश्वास वाढलाय. मध्य प्रदेश, छत्तीसगड, राजस्थानमध्ये विधानसभेमध्ये भाजपने मोठा विजय मिळवला. पाच राज्यातील निवडणुकांचा निकाल लागल्यापासून भाजप लोकसभेच्या कामाला लागलीय. आज भाजपने आगामी लोकसभेसाठी नवा नारा दिलाय, तिसरी बार मोदी सरकार , अबकी बार ४०० पारचा नारा भाजपच्या नेत्यांनी दिलाय. (Latest News)

लोकसभा निवडणुकीसंदर्भात भाजपची आज दिल्लीत महत्त्वाची बैठक झाली. या बैठकीत भारतीय जनता पक्षाने निवडणुकीसाठी हा नारा दिलाय. तसेच या बैठकीत राम मंदिराच्या अभिषेकबाबतही सविस्तर रणनीती आखण्यात आली. या बैठकीत भाजपचे राष्ट्रीय अध्यक्ष (BJP National President)जेपी नड्डा (JP Nadda), पक्षाचे सरचिटणीस सुनील बन्सल, केंद्रीय मंत्री भूपेंद्र यादव, अश्विनी वैष्णव, मनसुख मांडविया यांच्यासह अनेक नेते उपस्थित होते.

उल्लेखनीय म्हणजे २०१४ च्या लोकसभा (Lok Sabha) निवडणुकीत ( elections) भाजपने 'अच्छे दिन आने वाले हैं' असा नारा दिला होता. २०१९ च्या सार्वत्रिक निवडणुकांसाठी भाजपने ' फिर एक बार मोदी सरकार' चा नारा देत मोठा विजय मिळवला होता. असे दमदार नारे देत पंतप्रधान मोदींच्या (Prime Minister Modi) नेतृत्वाखाली भाजपने लोकसभेच्या दोन्ही निवडणुका जिंकल्या. आता २०२४ च्या लोकसभा निवडणुकांसाठी ' तिसरी बार मोदी सरकार, अबकी बार ४०० पार' असा नारा देण्यात आला आहे.

टीम ८ वाढवणार विरोधकांचं टेन्शन

लोकसभा २०२४ साठी भाजपने जोरदार तयारी सुरू केलीय. भाजप नेत्यांनी विविध राज्यात बैठकांचे सत्र चालू केलंय. पक्ष संघटना मजबूत करण्यासह विरोधीपक्षात खिंडार पाडण्याची रणनीती भाजपने आखलीय. यासाठी भाजपचे ज्येष्ठ नेते इतर पक्षातील नाराज नेत्यांवर नजर ठेवून असणार आहेत. दुसऱ्या पक्षात नाराज असलेल्या नेत्यांना आपल्याकडे खेचत त्यांना भाजपात समाविष्ट करण्याची योजना भाजपने आखलीय. यासाठी भाजपने टीम-८ स्थापन केली असून ही टीम विरोधीपक्षांचं टेन्शन वाढवेल असं म्हटलं जात आहे.